قازاقستان رەسپۋبليكاسىنىڭ ۋكرايناداعى ەلشٸسٸ دارحان كەلەتاەۆ ەكٸنشٸ دٷنيەجٷزٸ سوعىسىنىڭ ارداگەرٸ نۇرباي امانجولوۆتى جەڭٸستٸڭ 75 جىلدىعىمەن قۇتتىقتادى, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
قازاقستاندىق ديپلومات 97 جاستاعى سوعىس ارداگەرٸنە قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ العىس حاتى مەن «بارىس» تٶس بەلگٸسٸن تابىستاپ, وعان رۋحتىڭ سەرگەكتٸگٸن ساقتاۋدى, دەنساۋلىق پەن ۇزاق ٶمٸر تٸلەدٸ.
جٷزدەسۋ بارىسىندا ن.امانجولوۆ ٶزٸنٸڭ ەسكەري ەرلٸكتەرٸ تۋرالى ەستەلٸكتەرٸمەن جەنە بەيبٸتشٸلٸك ٶمٸردەگٸ قىزىقتى وقيعالارىمەن بٶلٸستٸ. شىعىس قازاقستان وبلىسىنداعى كاتونقاراعاي اۋدانىنان مايدانعا 18 جاستاعى بوزبالا بولىپ اتتانىپ, ۋكراينا مەن پولشانى ازات ەتۋگە, ساندومير پلاتسدارمىن بۇزۋعا, ودەر ٶزەنٸنەن ٶتۋگە, پراگانى بوساتۋعا قاتىسقان. سوعىستان كەيٸن كارپات جانىنداعى ەسكەري وكرۋگتە قىزمەت ەتٸپ, پولكوۆنيك اتاعىمەن زەينەتكەرلٸككە شىقتى. I دەرەجەلٸ «وتان سوعىسىنىڭ قىزىل جۇلدىزى» جەنە I دەرەجەلٸ «بوگدان حمەلنيتسكيي» وردەندەرٸمەن, سونداي-اق 26 مەدالمەن ماراپاتتالعان.
ارداگەر ٶزٸنٸڭ سانالى ٶمٸرٸن ۋكراينادا ٶتكٸزگەنٸنە قاراماستان, ٶزٸنٸڭ وتانى - قازاقستان رەسپۋبليكاسىمەن تىعىز بايلانىسىن ساقتاپ قالعانىن جەنە ۇلى وتان سوعىسىنىڭ ارداگەرلەرٸ مەن تىل ەڭبەككەرلەرٸنە دەگەن مەملەكەت باسشىلىعىنىڭ قامقورلىعىن جوعارى باعالايتىنىن اتاپ ٶتتٸ.
.jpeg)