بٷگٸن قر ٷكٸمەتٸندەگٸ باسپاسٶز كونفەرەنتسيياسىندا قازاقستان رەسپۋبليكاسى پرەمەر-مينيسترٸنٸڭ ورىنباسارى جەڭٸس قاسىمبەك قازاقستاننىڭ ينۆەستيتسييالىق ساياساتىن ٸسكە اسىرۋ بارىسى تۋرالى ايتتى, دەپ حابارلايدى "ۇلت اقپارات".
ۆيتسە-پرەمەر مەملەكەت باسشىسىنىڭ جولداۋىندا نەگٸزگٸ باسىمدىقتاردىڭ قاتارىندا شيكٸزاتتىق ەمەس سەكتورعا شەتەلدٸك ينۆەستيتسييالاردى تارتۋ مٸندەتٸ قويىلعانىن اتاپ ٶتتٸ.
«قازاقستاننىڭ تەۋەلسٸزدٸگٸ كەزەڭٸندە ەلەمنٸڭ 120-دان استام ەلٸنەن $330 ملرد شەتەلدٸك ينۆەستيتسييا تارتىلدى. ينۆەستيتسييالاردىڭ نەگٸزگٸ بٶلٸگٸ – 50%-دان استامى – ەۋروپالىق وداق ەلدەرٸنە تيەسٸلٸ, ونىڭ ٸشٸندە: شۆەيتسارييا – 25,8 ملرد, فرانتسييا – 16,1 ملرد, يتالييا – 8,7 ملرد, نيدەرلاندى – 90,4 ملرد, بەلگييا – 7,6 ملرد, گەرمانييا – 5,2 ملرد. امەريكا قۇراما شتاتتارىنا تٸكەلەي شەتەلدٸك ينۆەستيتسييالاردىڭ 15% نەمەسە 48,4 ملرد كەلەدٸ. شامامەن 5%– ۇلىبريتانييا مەن قحر ينۆەستيتسييالارىنان تۇرادى», — دەدٸ جەڭٸس قاسىمبەك.
1 تامىزداعى جاعداي بويىنشا قازاقستاندا شەتەلدٸك قاتىسۋمەن 19 مىڭ زاڭدى تۇلعا جەنە بٶلٸمشەلەر جۇمىس ٸستەيدٸ, ولاردىڭ ٸشٸندە كەسٸپورىنداردىڭ 35,3%-ى رەسەيلٸك, 9,5% – تٷرٸك, 5,7% – ٶزبەك, 5,6% – قىتاي, 3,1% – نەمٸس كاپيتالىنىڭ قاتىسۋىمەن.
2010 جىلدان بەرٸ شەتەلدٸك ينۆەستيتسييالار بويىنشا قازاقستاندىق ٶكٸلەتتٸ ورگاندار 650-گە جۋىق جوبالاردى قاراستىردى. ونىڭ ٸشٸندە ەۋروپالىق وداق ەلدەرٸنٸڭ ينۆەستورلارى ۇسىنعان جوبالار سانى – 185, رەسەي فەدەراتسيياسى – 111, تٷركييا – 80 جەنە قحر – 55 جوبا جەنە ت.ب. ۇسىنىلعان جوبالاردان باسىمدىق زاماناۋي تەحنولوگييالاردىڭ ترانسفەرتٸن قامتاماسىز ەتەتٸن, قازاقستاندىق قامتۋى جوعارى, قر ازاماتتارى ٷشٸن بارىنشا كٶپ جۇمىس ورىندارىن قۇرۋدى قامتاماسىز ەتەتٸن جوعارى تەحنولوگييالى جوبالارعا بەرٸلەدٸ. وسى كەزەڭدە $16,2 ملرد سوماسىنا 235 جوبا ٸسكە اسىرىلدى (قالعاندارى قاراستىرىلۋدا), ونىڭ ٸشٸندە 133 جوبانى ەۋروپالىق وداق پەن رف ەلدەرٸ جٷزەگە اسىرعان.
«ەلەمدەگٸ تۇراقسىزدىق جەنە سانكتسييالىق قارسىلىق جاعدايلارىندا ينۆەستورلار ينۆەستيتسييالىق احۋالى تۇراقتى ەلدەردٸ تاڭدايدى. ەربٸر ەل ٶزٸنٸڭ ينۆەستيتسييالىق رەيتينگٸن كٶتەرۋگە تىرىسادى, سەبەبٸ, ەلگە كاپيتال عانا ەمەس, جاڭا زاماناۋي تەحنولوگييالار دا كەلەدٸ», — دەدٸ قر پرەمەر-مينيسترٸنٸڭ ورىنباسارى.
نەگٸزگٸ ينۆەستورلاردىڭ بٸرٸ قحر 15 جوبانى قارجىلاندىرىپ, ٸسكە اسىردى, بۇل 2010 جىلدان بەرٸ جٷزەگە اسىرىلىپ كەلە جاتقان جوبالاردىڭ جالپى سانىنان 6%-عا جۋىعىن قۇرايدى.
بٷگٸنگٸ كٷنٸ يندۋسترييالاندىرۋ جەنە ينۆەستيتسييالار سالاسىنداعى بٸرلەسكەن قازاقستاندىق-قىتايلىق جوبالار تٸزٸمٸ جالپى سوماسى $ 27,6 ملرد قۇرايتىن 55 جوبانى قامتيدى.
2015 جىلدان قازٸرگە دەيٸن $3,9 ملرد سوماسىنا 15 جوبا ٸسكە قوسىلدى. جوبالار ەكونوميكانىڭ جوعارى تەحنولوگييالى سالالارىندا ٸسكە اسىرىلادى: ماشينا جاساۋ, حيمييا ٶنەركەسٸبٸ, ەنەرگەتيكا, بالامالى ەنەرگەتيكا جەنە اٶك. 3828 قازاقستاندىق جۇمىس ورنى قۇرىلدى.
«وسى جوبالاردىڭ بارلىعى ەلٸمٸزدٸڭ ەرتٷرلٸ ايماقتارىندا ەكسپورتقا باعدارلانعان زاماناۋي تەحنولوگييالاردى قولدانادى, قازاقستاندىقتارعا جۇمىس ورىندارىن اشادى. مۇندا جۇمىس ٸستەپ تۇرعان زاۋىتتاردى كٶشٸرۋ تۋرالى ەمەس, تەحنولوگييالار ترانسفەرتٸ تۋرالى ايتىلىپ تۇر. يندۋسترييالىق-ينۆەستيتسييالىق ىنتىماقتاستىقتىڭ قازاقستان-قىتاي باعدارلاماسىن ٸسكە اسىرۋ نەتيجەسٸندە 20 مىڭعا جۋىق جاڭا جۇمىس ورىندارىن قۇرۋمەن بٸرگە, شەتەلدٸك نارىقتارعا ەكسپورتتاۋعا باعدارلانعان, قوسىلعان قۇنى جوعارى وتاندىق ساپالى ٶنٸمدٸ شىعارۋعا قابٸلەتتٸ بٸرقاتار جوعارى تەحنولوگييالىق كەسٸپورىندار قۇرىلادى دەپ كٷتٸلۋدە», — دەپ تٷيٸندەدٸ جەڭٸس قاسىمبەك.
