قازاقستان رەسپۋبليكاسىنىڭ سىرتقى بورىشى 2017 جىلعى 1 قازانداعى جاعداي بويىنشا, سوڭعى 10 جىلدا 74,6 ملرد. اقش دوللارىنا ۇلعايىپ, 168,9 ملرد دوللاردى قۇرادى, دەپ حابارلايدى "ۇلت اقپارات" قر ۇلتتىق بانكٸنٸڭ باسپاسٶز قىزمەتٸنە سٸلتەمە جاساپ.
«سىرتقى بورىشتىڭ ٶسۋٸ, نەگٸزٸنەن, ەل اۋماعىنداعى شەتەلدٸك كومپانييالار فيليالدارىنىڭ مۇناي-گاز جوبالارى اياسىنداعى 76,7 ملرد. اقش دوللارى مٶلشەرٸندەگٸ فيرماارالىق بەرەشەكتٸڭ ۇلعايۋى ەسەبٸنەن بولدى. سونىمەن قاتار ەۋرووبليگاتسييالار شىعارۋ جەنە كرەديتتەر مەن قارىزداردى تارتۋعا بايلانىستى ەكونوميكانىڭ قارجىلىق ەمەس سەكتورىنىڭ 26,2 ملرد اقش دوللارىنا جەنە ٷكٸمەتتٸڭ سىرتقى بورىشىنىڭ 10,8 ملرد اقش دوللارىنا ۇلعايۋى بايقالدى», - دەلٸنگەن حابارلامادا.
ۇلتتىق بانكتٸڭ سىرتقى مٸندەتتەمەلەرٸ ەلدٸڭ سىرتقى بورىشى كٶلەمٸنٸڭ ورتاشا العاندا 0,6%-ىن قۇراي وتىرىپ, ٸس جٷزٸندە ٶزگەرگەن جوق.
قارجى سەكتورىنىڭ سىرتقى بەرەشەگٸ, نەگٸزٸنەن, بانك سەكتورىنىڭ («قازاقستاننىڭ دامۋ بانكٸ» اق-تى قوسا العاندا) كرەديتتەر جەنە قارىزدار بويىنشا بەرەشەگٸنٸڭ 37,4 ملرد اقش دوللارىنا ازايۋى ەسەبٸنەن 39,1 ملرد اقش دوللارىنا قىسقاردى. بۇل قىسقارۋ ەڭ تٶمەنگٸ رەزەرۆتٸك تالاپتار تەتٸگٸنٸڭ, پرۋدەنتسييالىق نورماتيۆتەردٸڭ قولدانىلۋىنىڭ, جەتكٸلٸكتٸ كاپيتالداندىرۋ قاعيدالارىنىڭ ارقاسىندا دا بولدى.
سىرتقى بورىشتىڭ ٸجٶ-گە قاتىناسى 3,5%-عا جاقسارىپ, 108,9% بولدى. سونىڭ 62%-ى فيرماارالىق بەرەشەككە, 26%-ى «باسقا سەكتورلارمەن» بايلانىستى ەمەس كرەديتورلار الدىنداعى سىرتقى بورىشىنا, 8%-ى مەملەكەتتٸك سىرتقى بورىشقا (ٷكٸمەت پەن ۇلتتىق بانك), 4%-ى «بانكتەر» سەكتورىنىڭ (ەدب جەنە «قازاقستاننىڭ دامۋ بانكٸ» اق) سىرتقى مٸندەتتەمەلەرٸنە تيەسٸلٸ.
2017 جىلعى 3-توقساندا ەلدٸڭ سىرتقى بورىشى, «كازترانسگاز» اق-تىڭ ەۋرووبليگاتسييالاردىڭ 10 جىلدىق شىعارىلىمىن 750 ملن. اقش دوللارىنا تەڭ جالپى نومينالدىق كٶلەممەن ورنالاستىرۋ, رەزيدەنتتەردٸڭ كوممەرتسييالىق كرەديتتەر بويىنشا بەرەشەگٸن 204,8 ملن اقش دوللارىنا ۇلعايتۋ, ەۋرووبليگاتسييالاردىڭ قولدانىستاعى شىعارىلىمدارى بويىنشا كۋپوندىق سىياقى ەسەپتەۋ (185,7 ملن اقش دوللارى) ەسەبٸنەن 1 ملرد اقش دوللارىنا ٶستٸ.
ايتا كەتەيٸك, مەملەكەت باقىلايتىن ۇيىمداردىڭ سىرتقى بورىشى 2017 جىلعى 1 قازانداعى جاعداي بويىنشا 26,4 ملرد اقش دوللارىن قۇراعان.
