پرەزيدەنت قاسىم-جومارت توقاەۆتىڭ تاپسىرماسىنا سەيكەس, قىرعىزستانعا جالپى سالماعى 10 000 توننا قازاقستاندىق ۇن تٷرٸندەگٸ گۋمانيتارلىق كٶمەك جەتكٸزٸلە باستاعان ەدٸ. قازاقستاننىڭ سىرتقى ٸستەر مينيسترلٸگٸ گۋمانيتارلىق كٶمەكتٸڭ قالاي جەتكٸزٸلٸپ جاتقانى تۋرالى تولىق اقپارات بەردٸ, دەپ حابارلايدى "ۇلت اقپارات".
18 مامىردا ونىڭ سالماعى 4 500 توننا قۇرايتىن العاشقى پارتيياسى 75 تەمٸر جول ۆاگونىمەن تاسىمالداندى. ونىڭ 30-ى بٸشكەككە جەتكٸزٸلسە, قالعاندارى ەلدٸڭ باسقا ٶڭٸرلەرٸنە جٸبەرٸلدٸ.
«قازٸرگٸ كەزدە مينيسترلەر كابينەتٸ دەنساۋلىق ساقتاۋ مينيسترلٸگٸمەن بٸرلەسٸپ ۇندى حالىققا, ونىڭ ٸشٸندە ەسٸرەسە ەلەۋمەتتٸك جاعىنان ناشار قامتىلعان ادامدارعا تاراتۋ مەسەلەسٸن پىسىقتاپ جاتىر. مەنٸڭ ويىمشا, قازٸرگٸ جاعدايدا قازاقستان رەسپۋبليكاسىنىڭ تاراپىنان ٷلكەن كٶمەك بولىپ وتىر», - دەدٸ قىرعىزستاننىڭ اۋىل, ورمان جەنە سۋ شارۋاشىلىعى مينيسترٸنٸڭ ورىنباسارى ازامات مۋكاشەۆ.
قىرعىز تاراپىنىڭ اقپاراتىنا قاراعاندا, گۋمانيتارلىق كٶمەكتٸڭ بٸرٸنشٸ پارتيياسى مەملەكەتتٸك ماتەريالدىق رەزەرۆ مەكەمەسٸنٸڭ قىرعىزستاننىڭ قارا-بالتا, بالىقشى قالالارىنا, ياعني سولتٷستٸگٸندەگٸ قويمالارىنا بٶلٸندٸ. ۇننىڭ قالعان بٶلٸگٸ ەلدٸڭ وڭتٷستٸگٸندەگٸ وش پەن دجالال-ابادقا تاسىمالدانادى.
«گۋمانيتارلىق كٶمەك اتاۋلى تٷردە جەتكٸزٸلٸپ وتىر, سوندىقتان اتالعان ۇن بۇل وبلىس ورتالىقتارىندا, وسى ٶنٸمگە زەرۋ تٷپكٸ الۋشىلار اراسىندا تاراتىلماق. ەلەۋمەتتٸك جاعىنان نازار قامتىلعان ادامدارعا تەگٸن بەرٸلەدٸ», – دەپ اتاپ ٶتتٸ ا. مۋكاشەۆ.
وسى ورايدا قىرعىز تاراپى قازاقستان ٷكٸمەتٸنە جەنە تيٸستٸ مەملەكەتتٸك ورگاندارىنا گۋمانيتارلىق كٶمەكتٸ جەدەل جەتكٸزگەنٸ ٷشٸن ايرىقشا العىسىن بٸلدٸردٸ. ەسكە سالساق, ونى بٶلۋ مەسەلەسٸ قازاقستان پرەزيدەنتٸ ق. توقاەۆ پەن قىرعىزستان پرەزيدەنتٸ س. دجاپاروۆتىڭ 2021 جىلدىڭ 1 مامىرىندا بولعان تەلەفوندىق سۇحباتىندا قاراستىرىلعان بولاتىن.
قازاقستاننىڭ قىرعىزستانداعى ەلشٸسٸ رەپٸل جوشىباەۆ قازاقستاننان ٶتكەن جىلى ٸندەت باستالعان كەزدە-اق گۋمانيتارلىق كٶمەك شەڭبەرٸندە 5 000 توننا وتاندىق ۇن ٶنٸمٸ قىرعىزستانعا جٸبەرٸلگەنٸن اتاپ ٶتتٸ. «2020 جىلى كٷزدە ٷكٸمەتتٸڭ شەشٸمٸمەن ەلٸمٸزدە جاسالعان 400 دانا پورتاتيۆتٸ جەلدەتۋ اپپاراتى, 2 ميلليون بەتپەردە جٸبەرٸلدٸ. بۇعان قىرعىز حالقى ريزاشىلىعىن بٸلدٸرٸپ جاتىر. بٸز قيىن كەزدە ەرقاشان كٶمەكتەسەمٸز دەگەن ويدامىن».
گۋمانيتارلىق جٷكتٸڭ قالعان بٶلٸگٸ مامىردىڭ اياعىنا دەيٸن جەتكٸزٸلەدٸ دەپ كٷتٸلۋدە.
وعان قوسا, ٶنٸمدٸلٸگٸ جوعارى كٷزدٸك بيدايدىڭ 1 مىڭ تونناسىن جەتكٸزۋ مەسەلەسٸ شەشٸلۋدە. بۇل كٶمەك تەك حالىقتىڭ ناشار قامتىلعان بٶلٸگٸنە عانا ەمەس, قىرعىزستاننىڭ فەرمەرلەرٸنە دە بەرٸلٸپ, ولار ٶز ەگٸستٸك القاپتارىنا ساپالى تۇقىم ەگەتٸن بولادى.
