قازاقستاننىڭ رەسەيدەگٸ ەلشٸسٸ ەرمەك كٶشەرباەۆ كالۋگا وبلىسىنا جۇمىس ساپارىمەن بارىپ, ونىڭ بارىسىندا وبلىس باسشىلىعىمەن جەنە ٶڭٸردٸڭ ٸرٸ كەسٸپورىندارىمەن بٸرقاتار كەزدەسۋلەر ٶتكٸزدٸ.
بۇل تۋرالى قر سىرتقى ٸستەر مينيسترلٸگٸنٸڭ باسپاسٶز قىزمەتٸ حابارلادى.
«ۆورسينو» جٷك قالاشىعىنىڭ مۋلتيمودالدىق كٶلٸك-لوگيستيكالىق ورتالىعىنىڭ «زاپاد» كونتەينەرلٸك تەرمينالىنىڭ اشىلۋ سالتاناتىندا ەلشٸ كالۋگا تۇرعىندارىن تەك وبلىس پەن رەسەي ٷشٸن عانا ەمەس, ەۋرازييالىق ەكونوميكالىق وداق ەلدەرٸ ٷشٸن دە ماڭىزدى وقيعامەن قۇتتىقتادى. ول ٶڭٸردٸڭ كٶلٸك-لوگيستيكالىق ينفراقۇرىلىمىن دامىتۋداعى تەجٸريبەسٸن قازاقستان ٷشٸن قىزىقتى دەپ اتادى جەنە كٶلٸك-لوگيستيكالىق ورتالىعى قازاقستاندىق كەسٸپورىندارمەن جەنە كٶلٸك توراپتارىمەن ىنتىماقتاستىق ورناتاتىنىنا ٷمٸت بٸلدٸردٸ.
كٶشەرباەۆ قازاقستان مەن رەسەيدٸڭ ترانزيتتٸك مٷمكٸندٸكتەرٸ ارقىلى ەۋروپا مەن وڭتٷستٸك-شىعىس ازييانى بايلانىستىراتىن «باتىس ەۋروپا – باتىس قىتاي» ترانسقۇرلىقتىق كٶلٸك دەلٸزٸنٸڭ بٶلٸگٸ رەتٸندە كالۋگا وبلىسىنىڭ لوگيستيكالىق ەلەۋەتٸن كەڭەيتۋدٸڭ ەرەكشە ماڭىزدىلىعىن اتاپ ٶتتٸ.
ٸس-شارا اياسىندا وتاندىق ديپلومات «رەسەي پوشتاسىنىڭ» باس ديرەكتورى ماكسيم اكيموۆپەن, سونداي-اق جاڭا كونتەينەرلٸك تەرمينال قۇرۋدىڭ باستاماشىلارى مەن ينۆەستورلارىمەن, «دەلو» كومپانييالار توبىنىڭ پرەزيدەنتٸ سەرگەي شيشكارەۆپەن, «فرەيت ۆيللادج كالۋگا سەۆەر» جشق ديرەكتورلار كەڭەسٸنٸڭ تٶراعاسى پەتر باسكاكوۆپەن جەنە «ترانسكونتەينەر» كومپانيياسىنىڭ پرەزيدەنتٸ الەكساندر يسۋرينمەن كەزدەستٸ.
كالۋگا وبلىسىنىڭ گۋبەرناتورى ۆلاديسلاۆ شاپشامەن ەكٸجاقتى كەزدەسۋ اياسىندا تاراپتار ساۋدا-ەكونوميكالىق ىنتىماقتاستىقتىڭ وڭ سەرپٸنٸن اتاپ ٶتتٸ. قازاقستان 2020 جىلدىڭ قورىتىندىسى بويىنشا ەكسپورت كٶلەمٸنەن بٸرٸنشٸ ورىن الىپ, كالۋگا وبلىسىنىڭ نەگٸزگٸ سىرتقى ساۋدا سەرٸكتەستەرٸنٸڭ بٸرٸ بولىپ قالا بەرەدٸ. سوڭعى تٶرت جىلدا ساۋدا 80%-كە ٶستٸ جەنە 180 ميلليون دوللاردان استى, ال پاندەمييانىڭ داعدارىس كەزەڭٸندە دە ساۋدا كٶلەمٸ ازايعان جوق.
قازاقستان ەلشٸسٸ ميلليوننان استام ادامنان تۇراتىن حالقى بار ايماق ەلدٸ كٶپتەگەن ٶنٸم تٷرلەرٸمەن قامتاماسىز ەتەتٸنٸن باسا ايتىپ, كالۋگا وبلىسىنىڭ ٶندٸرٸستٸك ەلەۋەتٸن جوعارى باعالادى. ول جەرگٸلٸكتٸ بيلٸكتٸڭ ينۆەستيتسييالىق ساياساتى جوعارى حالىقارالىق ستاندارتتارعا سەيكەس كەلەتٸندٸگٸن جەنە باسقا ەلدەر ٷشٸن ٷلگٸ بولا الاتىندىعىن اتاپ ٶتتٸ.
تاراپتار ٶزارا ٸس-قيمىلدىڭ بارلىق سالاسى بويىنشا كٶپتەگەن مەسەلەلەردٸ تالقىلادى.
ەكٸجاقتى بايلانىستاردىڭ ەلەۋەتٸن ودان ارى ارتتىرۋ ٷشٸن جاقسى مٷمكٸندٸكتەر بار ەكەنٸ اتاپ ٶتٸلدٸ.
كەزدەسۋگە قاتىسۋشىلار ينۆەستورلىق قىزمەت پەن ٶندٸرٸستٸك كووپەراتسييانى قوسا العاندا, ەڭ ماڭىزدى باعىتتار بويىنشا ىنتىماقتاستىقتى دەيەكتٸ تٷردە دامىتۋعا كەلٸستٸ.
ساپار بارىسىندا ە. كٶشەرباەۆ «ۆورسينو» يندۋسترييالىق پاركٸندەگٸ «لامينامام» جەنە «ارحبۋم تيسسيۋ گرۋپپ» كومپانييالارىنىڭ زاۋىتتارىندا, «كريۆسكوە» اق اگروٶنەركەسٸپتٸك كەسٸپورنىندا جەنە «ەتنومير» پارك-مۋزەيٸندە بولدى.
