قر سىرتقى ٸستەر مينيسترٸ مۇحتار تٸلەۋبەردٸ يمانعالي تاسماعامبەتوۆتىڭ ەلشٸ قىزمەتٸنەن بوساتىلۋىنا قاتىستى پٸكٸر بٸلدٸردٸ, – دەپ حابارلايدى «ۇلت اقپارات».
ٷكٸمەت وتىرىسىنان كەيٸن باق ٶكٸلدەرٸنٸڭ ساۋالىنا جاۋاپ بەرگەن مينيستر, قازاقستاننىڭ رەسەيدەگٸ تٶتەنشە جەنە ٶكٸلەتتٸ ەلشٸسٸ يمانعالي تاسماعامبەتوۆ كەتكەننەن كەيٸن ونىڭ قىزمەتٸن ۋاقىتشا كٸم اتقاراتىنىن ايتىپ بەردٸ.
«كەڭەسشٸ-ەلشٸ اتقارادى. كەشە ارنايى بۇيرىققا قول قويدىم. نۇرجان قاجياقباروۆ ەلشٸلٸكتەگٸ ەكٸنشٸ ادام, وعان رەسەي فەدەراتسيياسىنداعى قازاقستان رەسپۋبليكاسى ٸستەرٸنٸڭ ۋاقىتشا سەنٸمدٸ ٶكٸلٸ مٸندەتٸ جٷكتەلدٸ. نۇرجان قاجياقباروۆ جاڭا ەلشٸ تاعايىندالىپ, رەسەي پرەزيدەنتٸنە سەنٸم گراموتاسىن تاپسىرعانعا دەيٸن مٸندەتٸن اتقاراتىن بولادى», - دەدٸ ول.
مينيستر باق ٶكٸلدەرٸنٸڭ يمانعالي تاسماعامبەتوۆ سىرتقى ٸستەر مينيسترلٸگٸ جٷيەسٸندە قىزمەتٸن جالعاستىرا ما دەگەن ساۋالىنا دا جاۋاپ بەردٸ.
«ول زەينەت جاسىنا جەتۋٸنە بايلانىستى ٶز ەركٸمەن جۇمىستان شىقتى. سوندىقتان دا مەنٸڭ تٷسٸنۋٸمشە, ول سٸم جٷيەسٸندە قالمايدى» دەدٸ م.تٸلەۋبەردٸ.
بۇعان دەيٸن مەملەكەت باسشىسى قاسىم-جومارت توقاەۆتىڭ جارلىعىمەن يمانعالي نۇرعاليۇلى تاسماعامبەتوۆ زەينەتكەرلٸك جاسقا تولۋىنا بايلانىستى قازاقستان رەسپۋبليكاسىنىڭ رەسەي فەدەراتسيياسىنداعى تٶتەنشە جەنە ٶكٸلەتتٸ ەلشٸسٸ قىزمەتٸنەن بوساتىلعانىن حابارلاعان ەدٸك.
