وتاندىق مەديا نارىققا ٶلشەم جاسالىپ جاتىر. ياعني, مەديا تۇتىنۋشىلاردى كٶبٸنەسە قانداي كونتەنتتەر قىزىقتىرادى جەنە ونى قايدان تاۋىپ قارايتىنى انىقتالماق.
بۇل تۋرالى قر اقپارات جەنە قوعامدىق دامۋ ۆيتسە-مينيسترٸ كەمەلبەك ويشىباەۆ مەلٸم ەتتٸ, دەپ حابارلايدى قازاقپارات.
«بٸز ٷشٸن حالىقتى قانداي مەديا كونتەنت قىزىقتىراتىنى جەنە ونى قايدان قارايتىنى ماڭىزدى. وسى ورايدا بٸز مەدياٶلشەۋ جٷرگٸزۋدٸ قولعا الدىق. ماقسات – مەديا تۇتىنۋشىلاردى نە قىزىقتىرانتىنىن انىقتاۋ. ونىڭ ٸشٸندە قالا مەن اۋىل جۇرتىن قانداي رەسۋرستار قىزىقتىراتىنى دا ەسكٸرەلەدٸ. ەرينە بۇل جاڭاشىلدىق ەمەس. مەديا نارىقتا ٶلشەم تٷسٸنٸگٸ بۇعان دەيٸن دە بار. بٸزدٸڭ مٸندەت مەدياٶلشەمدٸ اشىق تٷردە جٷرگٸزٸپ, قولجەتٸمدٸ ەتۋ. جەنە وعان قاتىسۋشىلاردىڭ سانىن ارتتىرۋ. ياعني حالىق قانداي مەديا كونتەنتتٸ قارايتىنىن تٷسٸنۋ. ايتا كەتەتٸن جايت, بۇل باستاما ەلٸمٸزدٸڭ مەديا, جارناما نارىعىن باقىلاۋدى نەمەسە تەكسەرۋدٸ كٶزدەمەيدٸ», - دەدٸ ك. ويشىباەۆ.
ۆيتسە-مينيستردٸڭ ايتۋىنشا, مەدياٶلشەم تەك تەلەۆيدەنيە سالاسىندا ەمەس, سونىمەن قاتار ينتەرنەت قاۋىمداستىق مەن ەلەۋمەتتٸك جەلٸلەر بويىنشا دا جٷرگٸزٸلەدٸ.
«سايتتاردا كٶبٸنەسە قانداي تاقىرىپتار وقىلادى نەمەسە جەلٸدە نە تۋرالى ۆيدەولار جيٸ قارالادى وعاندا ٶلشەم جاسالادى. ياعني ەلٸمٸزدٸڭ بٷكٸل مەديا نارىعىنا ٶلشەم جٷرگٸزٸلەدٸ. قازٸرگٸ ۋاقىتتا ٶلشەم تەلەۆيدەنيە سالاسى بويىنشا جٷرٸپ جاتىر. ونىڭ بارىسى مەن نەتيجەسٸ مينيسترلٸكتٸڭ رەسمي سايتىنا جارييالانادى. ال ينتەرنەت مەديا نارىعىنا ٶلشەم جٷرگٸزۋ كەلەسٸ جىلى قولعا الىنادى. ونىڭ قورىتىندىسى دا ونلاين تٷردە قولجەتٸمدٸ بولادى», - دەيدٸ ول.
ايتا كەتەيٸك, مينيستر ورىنباسارى «Astana Media Week – 2021» مەديا اپتالىعى اياسىنداعى «مەديانى دامىتۋ ستراتەگيياسى» اتتى دٶڭگەلەك ٷستەل بارىسىندا بايانداما جاسادى.
