قازاقستاننىڭ قىتايمەن ساۋدا اينالىمى بٸر جىلدا بٸردەن 13% ارتتى. الايدا ەكسپورتتىق جەتكٸزٸلٸمدەر ٶتكەن جىلعى كٶرسەتكٸشتەرگە ەلٸ جەتە قويعان جوق. شەكاراداعى احۋال اقىرىنداپ قالپىنا كەلۋدە, دەپ حابارلايدى قازاقپارات finprom.kz سايتىنا سٸلتەمە جاساپ.
وسى جىلدىڭ ٷش توقسانىنىڭ قورىتىندىسى بويىنشا قازاقستاننىڭ قىتايمەن تاۋار اينالىمى 13,5 ملرد اقش دوللارىن قۇرادى. ال اقش-پەن ساۋدا اينالىمى - بٸر جىل بۇرىنعىعا قاراعاندا 12,5% ارتقان. ونىڭ ٸشٸندە ەكسپورت 1,3%, 7,3 ملرد اقش دوللارىنا دەيٸن ٶسٸپ, يمپورت, كەرٸسٸنشە, 34,7%, 6,2 ملرد اقش دوللارىنا ازايعان.
قىتاي قازاقستان تاۋار اينالىمىنىڭ 18,5% قۇراپ وتىر, ەكسپورت قۇرىلىمىندا — 16,8%, يمپورت قۇرىلىمىندا - 21%.
جىل باسىنان بەرٸ قازاقستان قىتايعا 163,2 مىڭ توننا بيداي, 90,4 مىڭ توننا ارپا, 4 ملن توننا تەمٸر كەنٸن, 44,3 مىڭ توننا مارگانەتس كەنٸن, 37,1 ملن توننا مىرىش كەنٸن, 85,1 مىڭ توننا كٶمٸر, 2,5 ملن توننا شيكٸ مۇناي, 5,3 ملرد تەكشە مەتر تابيعي گاز, 3,7 مىڭ توننا جٷن, 529,8 مىڭ توننا فەرروقورىتپا, 28,1 مىڭ توننا جانۋار نەمەسە ٶسٸمدٸك تەكتەس مايلاردى, 8,7 مىڭ توننا توقىما بۇيىمدارىن جەنە ت.ب. جٸبەرگەن.
سونىمەن قاتار, قازاقستان قىتايدان 531 توننا كونديتەرلٸك ٶنٸم, 1,3 مىڭ توننا دەرٸ-دەرمەك, 9,5 مىڭ توننا گيگيەنالىق جەنە كوسمەتيكالىق قۇرال, 1,7 ملن شينا مەن دوڭعالاق تىسىن, 10,6 مىڭ توننا قاعاز, كارتون جەنە تسەلليۋلوزا ماقتاسىن, 77,5 مىڭ شارشى مەتر لينولەۋم, 46,5 مىڭ توننا تريكوتاج كيٸمٸن, 2,5 مىڭ توننا رادياتور, 1,9 مىڭ توننا ٸشتەن جانۋ قوزعالتقىشىن, 9,7 مىڭ توننا اۋا نەمەسە ۆاكۋۋمدىق سورعىلار, 9,6 مىڭ توننا توڭازىتقىش پەن مۇزداتقىش, 1,7 مىڭ توننا تەلەفون اپپاراتىن, 303,6 مىڭ مونيتور مەن پروەكتور جەنە ت. ب. ەكەلگەن.
قازاقستان جٷكتەرٸن قابىلداۋ جەنە جٶنەلتۋ بويىنشا قىتاي ەنگٸزگەن شەكتەۋلەرگە بايلانىستى جاعداي بٸرتٸندەپ شەشٸلۋدە.
