فوتو: قر تجم باسپاسٶز قىزمەتٸ
تٷركيياعا جويقىن جەر سٸلكٸنٸسٸنەن زارداپ شەككەندەردٸ قۇتقارۋعا بارعان شەتەلدٸك قۇتقارۋشىلاردىڭ اراسىندا قازاقستاننىڭ قۇتقارۋشىلارى ەڭ سوڭعى بولىپ ەلگە قايتقان. بۇل تۋرالى تٶتەنشە جاعدايلار بٸرٸنشٸ ۆيتسە-مينيسترٸ يبراگيم كٷلشٸمباەۆ ايتتى, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا جۋرناليستەر تٷركييادا ٸزدەۋ-قۇتقارۋ جۇمىستارىن اياقتاپ, ەلگە ورالۋ تۋرالى شەشٸم قالاي قابىلدانعانىن سۇرادى.
كٷلشٸمباەۆ قازاقستاندىق قۇتقارۋشىلار تٷركييادا ون كٷن جۇمىس ٸستەگەنٸن اتاپ ٶتتٸ. 17 اقپاندا ٸزدەۋ-قۇتقارۋ جۇمىستارى توقتاتىلعان.
"گازيانتەپتە ورنالاسقان داعدارىس ورتالىعىندا تٷركييا ٸشكٸ ٸستەر مينيسترٸنٸڭ ورىنباسارى, وبلىس ەكٸمٸ, بٸزدٸڭ قازاقستان ەلشٸسٸ بار, سولاردىڭ شەشٸمٸ بويىنشا قابىلداندى. ايتا كەتەيٸن, بٸز, قازاقستان قۇتقارۋشىلارى تٷركييادان ەڭ سوڭعى بولىپ شىقتىق. بٸزدٸڭ الدىمىزدا جەتٸنشٸ-سەگٸزٸنشٸ كٷندەرٸ باسقا شەت ەلدەردٸڭ قۇتقارۋشىلارى كەتٸپ جاتتى. بٸراق بٸز ەڭ سوڭعى بوپ ٸزدەۋ جۇمىستارىن اياقتاپ, سودان كەيٸن قايتتىق", - دەدٸ ۆيتسە-مينيستر.
ايتۋىنشا, قازٸر تٷركييانىڭ زٸلزالادان زارداپ شەككەن ايماقتارىندا ٸزدەۋ-قۇتقارۋ جۇمىستارى اياقتالدى. جەرگٸلٸكتٸ ەكٸمشٸلٸكتەر ۇيىمداستىرعان قۇرىلىس جۇمىستارى عانا جٷرٸپ جاتىر.
سونداي-اق ول قازاقستاندىق قۇتقارۋشىلار جۇمىس ٸستەگەن ايماقتا مارودەرلەر كەزدەسپەگەنٸن ايتتى.
"بٸزدٸڭ ٸستەپ جاتقان جەردە بٸر عانا وقيعا بولدى. بٸر جٸگٸت "مەن وسى جەردٸڭ تۇرعىنىمىن, ٷيٸم بار" دەپ ارامىزعا قوسىلعان, بٸراق تٷركييانىڭ پوليتسييا قىزمەتكەرلەرٸ ەلگٸ جٸگٸتتٸ الىپ شىعىپ, تەكسەرٸپ ەدٸ, ول ٸزدەۋدە جٷرگەن ازامات ەكەن. ونى تەرتٸپ ساقشىلارى ۇستاپ الىپ كەتتٸ", - دەدٸ ۆيتسە-مينيستر.
ەسكە سالساق, 6 اقپان كٷنٸ تٷركييادا ماگنيتۋداسى 7,8 جويقىن جەر سٸلكٸنٸسٸ بولدى. جەراستى دٷمپۋلەرٸنەن ەلدٸڭ 10 پروۆينتسيياسى زارداپ شەكتٸ.
پرەزيدەنتتٸڭ تاپسىرماسىمەن زٸلزالا سالدارىن جويۋعا كٶمەك كٶرسەتۋ ٷشٸن قازاقستاننان 100-گە جۋىق قۇتقارۋشى تٷركيياعا اتتاندى. ونىڭ ٸشٸندە تٶتەنشە جاعدايلار مينيسترلٸگٸنٸڭ 6 بٸرلٸك تەحنيكاسى, مينيسترلٸكتٸڭ جەدەل توبىنىڭ 3 ٶكٸلٸ, اپاتتار مەديتسيناسى ورتالىعىنىڭ 10 دەرٸگەرٸ, رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى مەن 6 كينولوگييالىق ەسەپتوپتارى بار.
7 جەنە 9 اقپان كٷنٸ تجم جيىنتىق توبى ەكٸ ەشالونمەن جولعا شىعىپ, ەڭ كٷردەلٸ قيراعان وبەكتٸلەردە ٸزدەستٸرۋ-قۇتقارۋ جۇمىستارىن جٷرگٸزدٸ.
قازاقستاندىق قۇتقارۋشىلار تٷركييادا بارلىعى 7 ادامدى قۇتقارىپ, قازا بولعان 88 ادامنىڭ دەنەسٸن ٷيٸندٸ استىنان الىپ شىقتى.
ولار 18-19 كٷندەرٸ ەكٸ رەيسپەن ەلگە ورالدى.
