قازاقستاننىڭ كٶرشٸلەس ەلدٸڭ ەشقايسىسىمەن اۋماقتىق داۋى جوق. بۇل تۋرالى «حالىقارالىق قاتىناستاردىڭ قازٸرگٸ زامانعى جٷيەسٸندەگٸ قازاقستان رەسپۋبليكاسى» اتتى حالىقارالىق كونفەرەنتسييا بارىسىندا قر سىرتقى ٸستەر مينيسترٸ مۇحتار تٸلەۋبەردٸ ايتتى, دەپ حابارلايدى قازاقپارات.
«2020 جىلدىڭ ناۋرىز ايىندا قابىلدانعان 2020-2030 جىلدارعا ارنالعان سىرتقى ساياسات تۇجىرىمداماسى قازاقستاندىق ديپلوماتييانى ودان ەرٸ جەتٸلدٸرۋدٸڭ نەگٸزٸن قالادى. بۇل قۇجات حالىقارالىق ارەنادا ۇلتتىق مٷددەلەردٸ ٸلگەرٸلەتۋدٸڭ ستراتەگييالىق باسىمدىقتارى مەن تەتٸكتەرٸن ايقىندايتىن نەگٸزگٸ قاعيداتتاردى قالىپتاستىرادى. تۇجىرىمدامادا سىرتقى ساياسي كۋرس نەگٸزدەرٸنٸڭ ساباقتاستىعى – كٶپۆەكتورلى, تەپە-تەڭدٸك, پراگماتيزم جەنە ۇلتتىق مٷددەلەردٸ قورعاۋ ساقتالادى», - دەدٸ مينيستر.
مۇحتار تٸلەۋبەردٸ قازاقستان پوستكەڭەستٸك كەڭٸستٸكتە العاشقىلاردىڭ بٸرٸ بولىپ مەملەكەتتٸك شەكارانى ونىڭ بٷكٸل ۇزىندىعى بويىمەن رەسٸمدەگەنٸن جەنە بٷگٸندە كٶرشٸلەس ەلدەردٸڭ ەشقايسىسىمەن اۋماقتىق داۋى جوق ەكەنٸن اتاپ ٶتتٸ.
سونىمەن قاتار مينيستر ەلٸمٸزدٸڭ 2017-2018 جىلدارى بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولىپ سايلانۋى تاريحي وقيعا بولعاندىعىن اتاپ ٶتتٸ. قازاقستاننىڭ مٷشە بولۋى ورتالىق ازييانىڭ ٶزەكتٸ مەسەلەلەرٸن جوعارى دەڭگەيدە كٶرسەتۋدٸڭ تاماشا مٷمكٸندٸگٸنە اينالدى. ٶيتكەنٸ ەلٸمٸز ساياسي جەنە ەكونوميكالىق ٶزگەرٸستەردٸڭ تۇتاس كەشەنٸن باستان كەشٸرٸپ جاتقان ايماقتاعى بارلىق ەلدەردٸڭ ۇجىمدىق مٷددەلەرٸن بٸلدٸرۋگە ۇمتىلدى. حالىقارالىق ارەناداعى جاۋاپتى دا بەيبٸتشٸل ساياساتىنىڭ ارقاسىندا ەلٸمٸز پوستكەڭەستٸك كەڭٸستٸكتە بٸرٸنشٸ بولىپ 2010 جىلى ەقىۇ-عا باسشىلىق ەتۋ قۇرمەتٸن يەلەندٸ.
«قازاقستاننىڭ تٶراعالىعىنىڭ قورىتىندىسى – ەقىۇ-نىڭ 21 عاسىرداعى بٸرٸنشٸ جەنە ٶكٸنٸشكە وراي, ەزٸرگە جالعىز سامميتٸن ەلوردامىزدا ٶتكٸزۋ جەنە «قاۋٸپسٸزدٸك قوعامداستىعىن قۇرۋ جولىندا» اتتى تاريحي استانا دەكلاراتسيياسىنىڭ قابىلدانۋى بولدى. ەۋروپالىق قاۋٸپسٸزدٸكتٸڭ اعىمداعى داعدارىسى اياسىندا استانا سامميتٸنٸڭ مۇراسى قازٸردە قاۋٸپسٸزدٸكتٸڭ قۇرلىقتىق پلاتفورماسىن قالىپتاستىرۋدا ٶزەكتٸلٸگٸن ساقتاپ وتىر», - دەدٸ مۇحتار تٸلەۋبەردٸ.
