قازاقستاننىڭ حالىق ەرتٸسٸ, «قۇرمەت», «پاراسات» وردەندەرٸنٸڭ يەگەرٸ قۇمان تاستانبەكوۆ دٷنيەدەن وزدى. بۇل اقپاراتتى م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترىنىڭ باسپاسٶز قىزمەتٸ راستادى, دەپ حابارلايدى "ۇلت اقپارات".
«بٷگٸن قۇمان اعامىز دٷنيەدەن ٶتتٸ. قوشتاسۋ رەسٸمٸنٸڭ ۋاقىتى ەلٸ بەلگٸلەنگەن جوق. ول 1969 جىلدان باستاپ, م. ەۋەزوۆ اتىنداعى اكادەمييالىق دراما تەاترىندا قىزمەت ەتٸپ كەلگەن-تۇعىن», - دەدٸ باسپاسٶز قىزمەتٸندەگٸلەر.
قۇمان تاستانبەكوۆ 1945 جىلى بۇرىنعى تالدىقورعان وبلىسىندا دٷنيەگە كەلگەن. قازاقستاننىڭ حالىق ەرتٸسٸ, قازاقستان لەنيندٸك كومسومول سىيلىعىنىڭ لاۋرەاتى, «قۇرمەت», «پاراسات» وردەندەرٸنٸڭ يەگەرٸ.
1969 جىلى قازاق مەملەكەتتٸك قۇرمانعازى اتىنداعى كونسەرۆاتورييانىڭ تەاتر فاكۋلتەتٸن بٸتٸرگەن.
ول ساحنادا و. بٶكەەۆتٸڭ «قۇلىنىم مەنٸڭدەگٸ» - جان, «ۆەتنام جۇلدىزىنداعى» - ۇشقىش, ە. نۇرپەيٸسوۆتٸڭ «قان مەن تەرٸندە» - تەڭٸربەرگەن, ع. مٷسٸرەپوۆتٸڭ «اقان سەرٸ-اقتوقتىسىندا» - اقان, س. مۇقانوۆتىڭ «شوقان ۋەليحانوۆىنداعى» - شوقان, ت. احتانوۆتىڭ «انتىندا» - ساۋران, م. ەۋەزوۆتٸڭ «ايمان-شولپانىندا» - ەلٸبەك, ت. احتانوۆتىڭ «جوعالعان دوسىندا» - ەستەمەسوۆ, ش. ايتماتوۆتىڭ «انا-جەر-اناسىندا» - قاسىم, «اق كەمەسٸندە» - قۇلبەك, ە. دومباەۆتىڭ «بٸزدٸڭ كلاستىڭ قىزدارىندا» - تٶلەگەن, ب. مۇقايدىڭ «ٶمٸرزاياسىندا» - تسەزار, ف.ەرۆەنٸڭ «تٷلكٸ بيكەشٸندە» - فلوريدور, ن. حيكمەتتٸڭ «فارحاد-شىرىنىندا» - فارحاد سىندى نەگٸزگٸ رٶلدەردٸ سومدادى.
تەاتر رەپەرتۋارىندا جٷرٸپ جاتقان سپەكتاكلدەردە - شاحيماردەننٸڭ «توميريسٸندە» - بالقاش, س. تورايعىروۆتىڭ «قامار سۇلۋىندا» - ومار, س. مۇقانوۆتىڭ «مٶلدٸر ماحابباتىندا» - جاقىپبەك, ت. نۇرماعانبەتوۆتٸڭ «ەسكٸ ٷيمەن قوشتاسۋىندا» - جالعاسبەك, ب. جەكيەۆتٸڭ «جٷرەيٸك جٷرەك اۋىرتپايىندا» - قارييا, م. زادورنوۆتىڭ «كٷيەۋٸڭٸزدٸ ساتىڭىزشى» كومەديياسىندا - اندرەي, گ. گاۋپتماننىڭ «ىمىرتتاعى ماحابباتىندا» - شتەينيتس, شەكسپيردٸڭ «رومەو مەن دجۋلەتتاسىندا» - مونتەككي, د. كوبۋرننىڭ (اۋد. ە. امانشاەۆ) «جىنويناعىندا» - ۆەللەر مارتين (رەج. ە.ا مانشاەۆ, ا. كەكٸشەۆا), ا. چەحوۆتىڭ «اپالى-سٸڭلٸلٸ ٷشەۋ» دراماسىندا (اۋد. ە. بٶپەجانوۆا, رەج. ر. اندرياسيان, ا. كەكٸشەۆا) - كۋلىگين رولدەرٸن سومداعان.
«ق. تاستانبەكوۆتٸڭ كينو ٶنەرٸ سالاسىنداعى ەڭبەگٸ دە ەلەۋلٸ. ول اتاقتى «قىز جٸبەك» فيلمٸندەگٸ (رەجيسسەر س. قوجىقوۆ, ستسەناريي ع. مٷسٸرەپوۆ, رەداكتور ا. سٷلەيمەنوۆ, 1970 ج.) تٶلەگەن رٶلٸمەن «جۇلدىزى جانعان» اكتەر. بۇدان كەيٸن دە كٶپتەگەن فيلمگە - «بٸزدٸڭ عاني»» (1971), «قىس - سۋارمالى كەزەڭ ەمەس» (1972), «مۇندا اققۋلار ۇشىپ كەلەدٸ» (1973), «اققۋلار جاڭعىرىعى» (1974), «قوسىمشا ساۋالدار» (1978), «اعامنىڭ قالىڭدىعى» (1979), «پروۆينتسيالدى رومان» (1981), «قاراشا قازدار قايتقاندا» (1981), «ٶرنەك» (1982), «الاڭ جيەگٸندە» (1982), «كٸمسٸڭ سەن, سالت اتتى?» (1987),«ادام-جەل» (2003), «ماحامبەت» (2008) ت.ب. تٷسكەن», - دەلٸنگەن ەۋەزوۆ تەاترىنىڭ مەلٸمەتٸندە.
اكتەردٸڭ ەنشٸلٸك ٶنەرٸ دە بار. ول بٸرنەشە سپەكتاكلدە ەن ورىندايدى.
قازاقستاننىڭ حالىق ەرتٸسٸ (1993), كسرو كينەماتوگرافيستەر وداعىنىڭ مٷشەسٸ (1991), قازاقستان لەنيندٸك كومسومول سىيلىعى لاۋرەاتى (1976). «قۇرمەت» وردەنٸنٸڭ يەگەرٸ (2008), قر تەۋەلسٸزدٸك كٷنٸنە وراي, المالى اۋدانىنىڭ ەلەۋمەتتٸك, ەكونوميكالىق, قوعامدىق, ساياسي ٶمٸرٸنە قوسقان ٷلەسٸ, جوعارى كەسٸبي بٸلٸكتٸگٸ مەن ازاماتتىق بەلسەندٸلٸگٸ ٷشٸن ماراپاتتالدى.
