قر قارجى نارىعىن رەتتەۋ جەنە دامىتۋ اگەنتتٸگٸ قارجى ۇيىمدارىندا مونيتورينگ جٷرگٸزدٸ, دەپ حابارلايدى "ۇلت اقپارات".
بيىلعى 9 ايدا ەكٸنشٸ دەڭگەيدەگٸ بانكتەرگە, بانك وپەراتسييالارىنىڭ جەكەلەگەن تٷرلەرٸن جٷزەگە اسىراتىن ۇيىمدارعا, ساقتاندىرۋ (قايتا ساقتاندىرۋ) ۇيىمدارىنا, كوللەكتورلىق اگەنتتٸكتەرگە جەنە ميكروقارجىلىق قىزمەتتٸ جٷزەگە اسىراتىن ۇيىمدارعا قاتىستى شامامەن 253 ەسكەرتۋ, جازباشا ۇيعارىم جەنە جالپى سوماسى 76,1 ملن تەڭگەگە 163 ەكٸمشٸلٸك جازا قولدانىلدى.
جٷرگٸزٸلگەن تالداۋ نەتيجەلەرٸ بويىنشا: بانكتەر كٶبٸنە بانكتٸك قارىزدارعا قىزمەت كٶرسەتپەگەن, تٶلەمدەر جەنە اقشا اۋدارىمدارىنا, كليەنتتەردٸڭ شوتتارىنا تيٸستٸ قىزمەت كٶرسەتپەگەن, بانكتٸك قىزمەتتەر تۋرالى جارنامادا بانك ليتسەنزيياسىنىڭ نٶمٸرٸ مەن ليتسەنزييا بەرگەن ورگان اتاۋى بولماعان.
2020 جىلعى توعىز ايدا بانكتەرگە قاتىستى ەكٸمشٸلٸك جازالاۋدىڭ جالپى سوماسى 36,7 ملن تەڭگە بولدى.
ساقتاندىرۋ (قايتا ساقتاندىرۋ) ۇيىمدارىنا 919,1 مىڭ تەڭگە ايىپپۇل سالىنعان. ميكروقارجىلىق ۇيىمدار 37,9 ملن تەڭگە ايىپپۇل تٶلەيتٸن بولدى. ال كوللەكتورلىق اگەنتتٸكتەرگە 530,2 مىڭ تەڭگە ايىپپۇل جازىلدى.
