QR Qarjy naryǵyn retteý jáne damytý agenttigi qarjy uiymdarynda monitoring júrgizdi, dep habarlaidy "Ult aqparat".
Biylǵy 9 aida ekinshi deńgeidegi bankterge, bank operatsiialarynyń jekelegen túrlerin júzege asyratyn uiymdarǵa, saqtandyrý (qaita saqtandyrý) uiymdaryna, kollektorlyq agenttikterge jáne mikroqarjylyq qyzmetti júzege asyratyn uiymdarǵa qatysty shamamen 253 eskertý, jazbasha uiǵarym jáne jalpy somasy 76,1 mln teńgege 163 ákimshilik jaza qoldanyldy.
Júrgizilgen taldaý nátijeleri boiynsha: bankter kóbine banktik qaryzdarǵa qyzmet kórsetpegen, tólemder jáne aqsha aýdarymdaryna, klientterdiń shottaryna tiisti qyzmet kórsetpegen, banktik qyzmetter týraly jarnamada bank litsenziiasynyń nómiri men litsenziia bergen organ ataýy bolmaǵan.
2020 jylǵy toǵyz aida bankterge qatysty ákimshilik jazalaýdyń jalpy somasy 36,7 mln teńge boldy.
Saqtandyrý (qaita saqtandyrý) uiymdaryna 919,1 myń teńge aiyppul salynǵan. Mikroqarjylyq uiymdar 37,9 mln teńge aiyppul tóleitin boldy. Al kollektorlyq agenttikterge 530,2 myń teńge aiyppul jazyldy.
