دۋبايداعى دٷنيەجٷزٸلٸك EXPO-2020 كٶرمەسٸنە قويىلاتىن قازاقستان پاۆيلونىنا 9 ملرد تەڭگە جۇمسالدى. بۇل تۋرالى قر ساۋدا جەنە ينتەگراتسييا مينيسترٸ باقىت سۇلتانوۆ ايتىپ بەردٸ, دەپ حابارلايدى قازاقپارات.
«بۇعان دەيٸن دۋبايداعى قازاقستاننىڭ پاۆيلونىن ەزٸرلەۋ جۇمىستارى جٷرگٸزٸلدٸ, وعان بيۋدجەتتەن 9 ملرد تەڭگە بٶلٸندٸ. بۇل قاراجات ەسەبٸنەن بٸزدٸڭ پاۆيلون كەيٸنٸرەك قازاقستان اۋماعىنا جەتكٸزٸلەدٸ جەنە ەلوردادا نەمەسە ٶڭٸرلەردە وتاندىق ٶنٸمدٸ تانىستىرۋ بويىنشا قىزمەت ەتە بەرەدٸ», - دەپ جاۋاپ بەردٸ مينيستر قر پرەزيدەنتٸ جانىنداعى ورتالىق كوممۋنيكاتسييالار قىزمەتٸندە تٸلشٸ سۇراعىنا.
ايتا كەتەيٸك, دٷنيەجٷزٸلٸك EXPO كٶرمەسٸ تاياۋ شىعىستا بٸرٸنشٸ رەت ٶتكەلٸ وتىر جەنە ونى 25 ملن ادام تاماشالايدى دەپ كٷتٸلۋدە. كٶرمە 2020 جىلدىڭ 20 قازانىنان 2021 جىلدىڭ 10 سەۋٸرٸ ارالىعىندا «بولاشاق ٷشٸن سانا-سەزٸمدٸ بٸرٸكتٸرۋ» تاقىرىبىندا ٶتەدٸ. ونىڭ ٸشٸندە «مٷمكٸندٸك», «موبيلدٸلٸك» جەنە «تۇراقتىلىق» ۇعىمدارىنا باسا مەن بەرٸلمەك.
كٶرمە كەشەنٸ «ٷش جاپىراق» پٸشٸنٸندە ۇسىنىلعان, ونىڭ ديامەترٸ 150 مەتردٸ قۇرايتىن ورتالىق نىسانى «ەل-ۆاسل» پلازاسى دەپ اتالادى. ورتالىق نىسان جانىندا بٸرٸككەن اراب ەمٸرلٸكتەرٸنٸڭ پاۆيلونى مەن 3 تاقىرىپتىق كلاستەر ورنالاسادى. ەكسپو كەشەنٸنٸڭ جالپى اۋماعى 438 گەكتاردى قۇرايدى. وندا 150 گا بولاتىن كٶرمە اۋماعى, جەرٷستٸ مەترو ستانساسى, «Dubai South Mall» ساۋدا ورتالىعى, تۇرعىن ٷيلەر, لوگيستيكالىق جەنە قوناق ٷي نىساندارى بار.
