قازاقستاننىڭ ەكٸ وبلىسىندا جول جابىلدى

اۋا رايىنىڭ قولايسىزدىعىنا بايلانىستى ەكٸ وبلىستا جول جابىلدى, دەپ حابارلايدى "ۇلت اقپارات" "قازگيدرومەت" رمك-عا سٸلتەمە جاساپ.

اقمولا وبلىسىندا 14 قاڭتاردا 23:30-دان باستاپ بۇرقاسىنعا بايلانىستى «استانا-ەرەيمەنتاۋ-شٸدەرتٸ» (16-205 كم, استانادان پاۆلودار وبلىسىنىڭ شەكاراسىنا دەيٸن) اۆتوجولىندا بارلىق كٶلٸك تٷرلەرٸ ٷشٸن قوزعالىس شەكتەلدٸ. پاۆلودار وبلىسىندا 14 قاڭتاردا 23:50-دەن باستاپ «استانا-شٸدەرتٸ» تاس جولىنىڭ بٸر بٶلٸگٸ (205-259 كم, شٸدەرتٸ ەلدٸ مەكەنٸنەن اقمولا وبلىسىنىڭ شەكاراسىنا دەيٸن) جابىلدى.

ايتا كەتسەك, كەشە قازاقستاننىڭ ٷش ٶڭٸرٸندە اۋا رايىنا بايلانىستى ەسكەرتۋ جارييالانعان بولاتىن. 

قاڭتاردىڭ 15-ٸ كٷنٸ تٷندە ماڭعىستاۋ وبلىسىنىڭ ايماعىندا -22°س اياز بولادى دەپ كٷتٸلۋدە. سونداي-اق, 15 قاڭتار كٷنٸ وڭتٷستٸك قازاقستان وبلىسىندا تۇمان تٷسٸپ, كٶكتايعاق, بوران بولادى. شىعىستان سوققان جەل كٷشەيٸپ, جىلدامدىعى سەكۋندىنا 15-20 مەترگە جەتەدٸ. 15-17 قاڭتار ارالىعىندا قىزىلوردا وبلىسىنىڭ بٸرقاتار ايماقتارىندا سولتٷستٸك شىعىستان جىلدامدىعى سەكۋندىنا 15-20 مەتر بولاتىن جەل سوعادى.