قازاقستاننىڭ ەكٸ ازاماتى گرۋزييادا ٷش اي قۇلدىقتا بولعانىن ايتتى. گرۋزييا پوليتسيياسى ولاردىڭ قۇجاتتارىن قايتارماي وتىرعان كٶرٸنەدٸ. قازاقستان سىرتقى ٸستەر مينيسترلٸگٸ بيۋدجەتتەن اقشا بٶلٸنگەن سوڭ ەكٸ ازامات ەلگە قايتارىلاتىنىن حابارلادى, دەپ جازادى ازاتتىق.
قۇلدىقتا بولدىم دەگەندەردٸڭ بٸرٸ – الماتىلىق 18 جاستاعى دامۋ جايلاۋبەكتٸڭ ايتۋىنشا, ول جولداسى اقجول اعىبايمەن بٸرگە تامىز ايىندا تانىستارى ارقىلى جۇمىس ٸزدەپ دۋبايعا بارعان. سودان سوڭ شاقىرعان تاراپ تٶلقۇجاتتارىن الىپ, ٶزدەرٸن كيەۆكە, كەيٸن گرۋزيياعا اپارعان.
جايلاۋبەكتٸڭ ايتۋىنشا, ولاردى ەرٸكسٸز قاماپ ۇستاعان – قىتاي ازاماتتارى.
– دۋبايدا ساياحاتپەن بايلانىستى جۇمىس ٸستەيسٸڭدەر دەگەن. كەيٸن "جۇمىس باسقا جاقتا بولاتىن بولدى, سەندەرمەن باسقا كومپانييا اينالىسادى" دەپ, باتۋميدەن بٸر-اق شىقتىق. ەلدەبٸر قىتايلاردىڭ قول استىندا بولدىق. كومپيۋتەرمەن ادام الداۋمەن اينالىساسىڭ دەپ ۇرىپ-سوعىپ, مەجبٷرلەپ, 24 ساعات جۇمىس ٸستەتتٸ, – دەيدٸ دامۋ جايلاۋبەك.
جايلاۋبەكتٸڭ ايتۋىنشا, "جۇمىس بەرۋشٸلەر" ولاردى سىرتقى ەلەممەن بايلانىستىرماي, دۇرىس تاماق بەرمەي, قاماپ ۇستاپ, جالعان قور بيرجاسىنىڭ بروكەرلەرٸ سيياقتى جۇمىس ٸستەتكەن. كەيٸن ولار ەبٸن تاۋىپ, گرۋزيياداعى قازاقستان ەلشٸلٸگٸنە حابارلاسقان.
دامۋ جايلاۋبەكتٸڭ cٶزٸنشە, "قۇلدىقپەن اينالىستى" دەگەن ادامداردى گرۋزييا پوليتسيياسى ۇستاپ, تەرگەۋدٸ باستاعان سوڭ قازاقستاننىڭ ەكٸ ازاماتى بوستاندىققا شىققان, بٸراق قۇجاتتارىن پوليتسييا الىپ قويعان.
جايلاۋبەكتٸڭ سٶزٸنشە, گرۋزييا تەرتٸپ ساقشىلارى ولاردى ادام ساۋداسىمەن اينالىساتىن قىلمىستىق توپقا قاتىسى بار ادامدار رەتٸندە تەرگەيتٸنٸن ايتقان.
ەزٸرگە كٸمدەردٸڭ ٷستٸنەن قىلمىستىق ٸس قوزعالعانى, جايلاۋبەك پەن اعىبايدىڭ ول ٸستەگٸ ستاتۋسى تۋرالى رەسمي مەلٸمەت جوق.
قازٸر دامۋ جايلاۋبەك پەن اقجول اعىباي باتۋميدەگٸ قوناق ٷيدە جاتىر.
قىتاي قازاعى, كەسٸپكەر قانات قوجانىڭ ايتۋىنشا, قازاق جٸگٸتتەرٸن قۇلدىققا جەكتٸ دەگەندەر – ادام ساۋداسىمەن جەنە كٶلەڭكەلٸ بيرجالىق بيزنەسپەن اينالىساتىن ٷلكەن توپ.
– قولىمدا تولىق سحەماسى بار. ولار قور بيرجاسىنىڭ بالاماسىن جاساپ, باسقالارعا "مىنا كومپانييانىڭ اكتسيياسىن الىڭىزدار, سوندا سٸزدەردٸڭ تابىستارىڭىز ەكٸ ەسە بولادى" دەپ جالعان اقپارات تاراتۋمەن, Facebook ارقىلى بيرجادا وينايتىنداردى ٸزدەپ تاۋىپ, سولاردى الداۋمەن اينالىسادى. ولاردىڭ تابىس اينالىمى – 1-3 ميلليون دوللار. بۇل توپتا 30 ادام بار, – دەيدٸ ول.
قانات قوجا قۇلدىققا تٷستٸم دەگەن قازاق جٸگٸتتەرٸنە كەزدەيسوق تاپ بولىپ, ولارعا كٶمەكتەسٸپ جاتقانىن ايتادى.
قازاقستان سىرتقى ٸستەر مينيسترلٸگٸ ەكٸ ازاماتىنىڭ گرۋزييادا قيىن جاعدايعا تاپ بولعانىن راستادى. مينيسترلٸكتٸڭ باسپاسٶز حاتشىسى ايبەك سماديياروۆتىڭ ايتۋىنشا, باتۋميدەگٸ قۇرمەتتٸ كونسۋلدىققا قازاقستان ازاماتتارىنان حابارلاما بيىلعى 10 قاراشادا تٷسكەن.
– وسى جىلدىڭ 10 قاراشاسىندا [باتۋميدەگٸ قۇرمەتتٸ] كونسۋلدىققا بەلگٸسٸز ۇيالى تەلەفوننان قازاق ازاماتى حابارلاسىپ, قۇجاتسىز وتىرعاندارىن, ٶزدەرٸن قىتاي ازاماتتارىنىڭ كٷشتەپ ۇستاپ وتىرعانىن ايتقان. قازاقستاننىڭ [گرۋزيياداعى] ەلشٸلٸگٸ بٸردەن پوليتسيياعا حابارلاسىپ, ولاردى بوساتىپ الدى. گرۋزييادا وسى مەسەلەگە بايلانىستى قىلمىستىق ٸس قوزعالدى. بٸزدٸڭ ازاماتتار قاۋٸپسٸز جەرگە كٶشٸرٸلدٸ, - دەدٸ ول.
سماديياروۆتىڭ ايتۋىنشا, ەكٸ ازامات وسى اپتادا قازاقستانعا جەتكٸزٸلۋٸ كەرەك.
– بٸزدٸڭ ەلدٸڭ ازاماتتارى باسقا ەلدە جٷرٸپ, ادام ساۋداسى كەسٸرٸنەن [قيىندىققا تاپ بولىپ] نەمەسە باسقا جاعدايعا ۇشىراپ, قۇجاتىنان ايىرىلىپ قالسا, مەملەكەتتٸك بيۋدجەتتەن ولاردى ەلگە جەتكٸزۋگە ارنايى قارجى بٶلٸنەدٸ. وسى قاراجات كونسۋلدىق ەسەپ-شوتىنا تٷسكەن سوڭ, ول ادامدار ەلگە قايتارىلادى. بۇل وسى اپتانىڭ ورتاسىندا نەمەسە سوڭىندا بولۋى مٷمكٸن, – دەدٸ ول ازاتتىققا.
