قازاقستاننىڭ بٸرٸنشٸ, ەلەمنٸڭ 19-راكەتكاسى ەلەنا رىباكينا اۋستريياداعى لينتس WTA تۋرنيرٸنە قاتىسادى, دەپ حابارلايدى "ۇلت اقپارات".
جارىستىڭ تۆيتتەردەگٸ پاراقشاسىندا وعان قاتىسۋشىلاردىڭ تٸزٸمٸ جارييالاندى.
ولاردىڭ ٸشٸندە ە.رىباكينامەن قاتار بەلارۋس ٶكٸلٸ ارينا سوبولەنكو, چەحييالىق ماركەتا ۆوندروۋشوۆا, بەلگييالىق ەليسە مەرتەنس, ەستونييالىق انەتت كونتاۆەيت, امەريكالىق دجەننيفەر برەيدي, ۋكراينالىق دايانا ياسترەمسكايا, رەسەيلٸك ەكاتەرينا الەكساندروۆا جەنە باسقا تەننيسشٸلەر بار.
بيىل اتالمىش دودا 11-18 قازان ارالىعىندا ٶتۋٸ تيٸس ەدٸ. ەيتسە دە كوروناۆيرۋس ٸندەتٸنە بايلانىستى 7-15 قاراشاعا قالدىرىلدى.
ٶتكەن جىلى فينالدا لاتۆييالىق ەلەنا وستاپەنكونى 6:3, 1:6, 6:2 ەسەبٸمەن جەڭگەن امەريكالىق كوري گاۋفف چەمپيون اتانعان بولاتىن.
ەسكە سالا كەتەيٸك, بۇدان بۇرىن ەلەنا رىباكينانىڭ چەحيياداعى تۋرنيردە ۇتىلىپ قالعانىن, دميتريي پوپكونىڭ ىستانبۇل دوداسىنىڭ شيرەك فينالىنا شىققانىن جازعان بولاتىنبىز.
بٷگٸن د.پوپكو بەلارۋس تەننيسشٸسٸ يليا يۆاشكودان 4:6, 0:6 ەسەبٸمەن ۇتىلىپ, جارتىلاي فينالعا شىعا الماي قالدى.
سول سەكٸلدٸ قازاقستاندىقتار گٶزال اينيتدينوۆا مەن جٸبەك قۇلامباەۆا جۇپتىق سىندا مىسىردىڭ شارم ەل-شەيح قالاسىندا ITF تۋرنيرٸندە بٸرشاما سەتتٸ ٶنەر كٶرسەتتٸ. تٸپتٸ جارىستىڭ 1-راكەتكالارى, رەسەيلٸكتەر اناستاسييا گاسانوۆا مەن اننا مورگينانى 6:0, 6:0 ەسەبٸمەن ويسىراتا ۇتىپ, جارتىلاي فينالعا شىقتى. الايدا بٷگٸن رەسەيلٸكتەر ۆەرونيكا پەپەلياەۆا مەن اناستاسييا تيحونوۆامەن تارتىستى ماتچتا 6:3, 3:6, 8:10 ەسەبٸمەن جول بەرٸپ, فينالدىق بەسەكەدەن تىس قالدى.
