قازاقستاننىڭ بارلىق ستانتسييالارىندا كونتەينەرلەرگە تيەۋ رۇقسات ەتٸلدٸ, دەپ حابارلايدى "ۇلت اقپارات" قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ Telegram كانالىنا سٸلتەمە جاساپ.
«ايتارلىقتاي پەرسپەكتيۆالى كونتەينەرلٸك تاسىمالداردى دامىتۋ ماقساتىندا «قتج-جٷك تاسىمالدارى» جشس 2021 جىلدىڭ 31 جەلتوقسانىنا دەيٸن جٷك تاسىمالدارىن جٷزەگە اسىراتىن بارلىق ستانتسييالاردىڭ كٸرمە جولدارىندا كونتەينەرلەردٸ تيەۋگە جەنە تٷسٸرۋگە رۇقسات بەردٸ. رۇقسات ەلدٸڭ كٶلٸكتٸك جەنە ترانزيتتٸك ەلەۋەتٸن اشۋ, سەرۆيس دەڭگەيٸن ارتتىرۋ جەنە ەكٸمشٸلٸك كەدەرگٸلەردٸ جويۋ ٷشٸن كليەنتكە باعدارلانۋ شەڭبەرٸندە بەرٸلدٸ»,-دەلٸنگەن حابارلامادا.
«قتج-جٷك تاسىمالى» جشس باسپاسٶز قىزمەتٸنٸڭ حابارلاۋىنشا, جٷك جٶنەلتۋشٸلەرگە جٷكتەردٸ تاسىمالى كەزٸندە ۆاگونداردى عانا ەمەس, كونتەينەرلەردٸ دە پايدالانۋعا تەڭ مٷمكٸندٸكتەر بەرٸلگەن. بۇل جۇمىس ەكسپورتتىق جٷكتەردٸ كونتەينەرلەۋدٸ ۇلعايتۋ شەڭبەرٸندە جٷرگٸزٸلۋدە. بۇدان باسقا, كونتەينەرلٸك تاسىمالدار - ۋاقىت تالابى, ولار قازاقستاندىق ەكسپورتتاۋشىلارعا بەسەكەگە قابٸلەتتٸ بولۋعا مٷمكٸندٸك بەرەدٸ. بۇل رەتتە كٶپتەگەن ەلدەر كونتەينەرلٸك تاسىمالدارعا كٶشەتٸنٸن, كونتەينەرلەردٸ اۋىستىرىپ تيەۋ ٷشٸن ينفراقۇرىلىم داميتىنىن ەسكەرۋ قاجەت. مىسالعا, قازٸرگٸ ۋاقىتتا قىتاي جابىق ۆاگوندارداعى جٷكتٸ قابىلداۋدا قيىندىق كٶرۋدە, جٷكتٸ كونتەينەرلەردە تاپسىرۋ جىلدام جٷرۋدە», - دەپ اتاپ ٶتتٸ «قتج – جٷك تاسىمالى» جشس باس ديرەكتورىنىڭ بٸرٸنشٸ ورىنباسارى قانات كٶبەسوۆ.
قازٸرگٸ ۋاقىتتا كونتەينەرلەردٸ پايدالانۋ – قىتايعا, ەۋروپا ەلدەرٸنە جەنە وڭتٷستٸك-شىعىس ازييا مەملەكەتتەرٸنە ٶنٸمدەرٸن ەكسپورتتايتىن تەمٸرجول كليەنتتەرٸ ٷشٸن اسا قاجەتتٸ قىزمەت. كونتەينەرلەردەگٸ جٷكتەردٸ كٶلٸكتٸڭ بٸرنەشە تٷرٸمەن: تەمٸرجول, اۆتوموبيل جەنە تەڭٸز ارقىلى تاسىمالداۋ وڭاي, وسىلايشا جٷكتەردٸ جەتكٸزۋ گەوگرافيياسى كەڭەيۋدە. سونداي-اق شەكارا ماڭىنداعى ستانتسييالاردا كونتەينەرلەردٸ تاسىمالداۋعا جەنە قايتا تيەۋگە جۇمسالاتىن ۋاقىت شىعىندارى قىسقارتىلادى.
