قر ۇلتتىق بانك تٶراعاسىنىڭ ورىنباسارى اقىلجان بايماعامبەتوۆ ەلٸمٸزدٸڭ التىن-ۆاليۋتا قورى تۋرالى ايتتى, دەپ حابارلايدى "ۇلت اقپارات".
«الدىن الا مەلٸمەتتەر بويىنشا, ۇلتتىق بانكتٸڭ التىن-ۆاليۋتا رەزەرۆتەرٸ 2020 جىلدىڭ قاڭتارىندا 1,2 پايىزعا, ياعني 29,3 ملرد اقش دوللارىنا دەيٸن ارتتى. نەگٸزٸنەن, ول التىنعا بايلانىستى وپەراتسييانىڭ جٷرگٸزٸلۋٸ مەن ونىڭ قۇنىنىڭ ارتۋى نەتيجەسٸندە مٷمكٸن بولدى. الدىن الا مەلٸمەتكە قاراعاندا, ۇلتتىق قوردىڭ اكتيۆتەرٸ بٸر ايدا 1 پايىزعا تٶمەندەپ, 61,1 ملرد دوللاردى قۇرادى. بۇعان رەسپۋبليكالىق بيۋدجەتكە كەپٸلدەندٸرٸلگەن ترانسفەرتتٸ بٶلۋ سەبەپ بولدى», - دەدٸ بايماعامبەتوۆ ٷكٸمەت وتىرىسىندا.
ونىڭ سٶزٸنە قاراعاندا, 1 اقپانداعى جاعداي بويىنشا جالپى حالىقارالىق رەزەرۆتەر 90,4 ملرد اقش دوللارىن قامتىدى.
بۇدان بٶلەك ۇب ٶكٸلٸ قازاقستان حالقىنىڭ دەپوزيتتەرٸ تۋرالى ايتىپ بەردٸ.
«2019 جىلعى جەلتوقسان ايىنىڭ سوڭىندا دەپوزيت كٶلەمٸ 19 ترلن تەڭگەنٸ قۇرادى. ۇلتتىق ۆاليۋتاداعى سالىمدار 4,1 پايىزعا, شەتەل ۆاليۋتاسىندا 3,9 پايىزعا ٶستٸ. نەتيجەسٸندە, دەپوزيتتەردٸڭ دوللارلانۋى بىلتىرعى جەلتوقسان ايىندا 43,1 پايىزعا دەيٸن تٶمەندەدٸ», - دەدٸ بايماعامبەتوۆ.
وسى ورايدا, ول تەڭگەدەگٸ سالىمدار بويىنشا ستاۆكالار ٶزٸنٸڭ تارتىمدىلىعىن ساقتاپ تۇرعانىن اتاپ ٶتتٸ.
