قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ قوقىس جاعاتىن زاۋىتتاردىڭ قۇرىلىسى تۋرالى ايتىپ بەردٸ, دەپ حابارلايدى قازاقپارات.
«قالدىقتارمەن جۇمىس ٸستەۋ مەسەلەسٸنە كٶشەيٸن. تٷزٸلگەن قاتتى تۇرمىستىق قالدىقتار كٶلەمٸن ايتارلىقتاي قىسقارتۋ ٷشٸن زاڭنامالىق دەڭگەيدە «Waste to Energy» تەتٸگٸ ەنگٸزٸلدٸ. قوقىس جاعاتىن زاۋىتتار سالۋ ٷشٸن 6 قالا انىقتالدى. العاشقى اۋكتسيوندىق ساۋدا-ساتتىق ٶتكٸزٸلدٸ. ينۆەستور انىقتالدى. قۇرىلىس جۇمىستارى كەلەسٸ جىلى باستالادى. جەكە ينۆەستيتسييالار 292 ملرد تەڭگەنٸ قۇرايدى. ٶز كەزەگٸندە, مەملەكەت قاجەتتٸ ينفراقۇرىلىممەن قامتاماسىز ەتەدٸ», - دەدٸ مينيستر ٷكٸمەت وتىرىسىندا.
مينيستر بەي-بەرەكەتسٸز ٷيٸندٸلەردٸ جويۋ جەنە بولدىرماۋ جۇمىستارى جٷرٸپ جاتقانىن ەسكە سالدى. بٷگٸنگٸ كٷنٸ 7,3 مىڭ ٷيٸندٸنٸڭ 86 پايىزى جويىلدى. رەيدتٸك شارالار ٶتٸپ, 17 مىڭعا جۋىق قۇقىقبۇزۋشى جاۋاپكەرشٸلٸككە تارتىلىپ, 25 ملن تەڭگە سوماسىنا ايىپپۇل سالىنعان.
