QR Ekologiia, geologiia jáne tabiǵi resýrstar ministri Serikqali Brekeshev qoqys jaǵatyn zaýyttardyń qurylysy týraly aityp berdi, dep habarlaidy QazAqparat.
«Qaldyqtarmen jumys isteý máselesine kósheiin. Túzilgen qatty turmystyq qaldyqtar kólemin aitarlyqtai qysqartý úshin zańnamalyq deńgeide «Waste to Energy» tetigi engizildi. Qoqys jaǵatyn zaýyttar salý úshin 6 qala anyqtaldy. Alǵashqy aýktsiondyq saýda-sattyq ótkizildi. Investor anyqtaldy. Qurylys jumystary kelesi jyly bastalady. Jeke investitsiialar 292 mlrd teńgeni quraidy. Óz kezeginde, memleket qajetti infraqurylymmen qamtamasyz etedi», - dedi ministr Úkimet otyrysynda.
Ministr bei-bereketsiz úiindilerdi joiý jáne boldyrmaý jumystary júrip jatqanyn eske saldy. Búgingi kúni 7,3 myń úiindiniń 86 paiyzy joiyldy. Reidtik sharalar ótip, 17 myńǵa jýyq quqyqbuzýshy jaýapkershilikke tartylyp, 25 mln teńge somasyna aiyppul salynǵan.
