قازاقستاننىڭ 5 ٶڭٸرٸندە ەسٸرتكٸ ساتۋ جەلٸسٸ جويىلدى - ٸٸم

قازاقستاننىڭ بەس ٶڭٸرٸندە ەسٸرتكٸنٸ كٶتەرمە تاراتۋشىلار جەلٸسٸ جويىلدى, دەپ حابارلايدى قازاقپارات Polisia.kz سايتىنا سٸلتەمە جاساپ حابارلايدى.

ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸ بەس ٶڭٸر مەن ارنايى بٶلٸمشە پوليتسەيلەرٸنٸڭ قاتىسۋىمەن اۋقىمدى ارنايى وپەراتسييا ٶتكٸزدٸ. نەتيجەسٸندە ەسٸرتكٸنٸ كٶتەرمە تاراتۋشىلار جەلٸسٸ جويىلدى, زاڭسىز بيزنەسكە قاتىسقان 10 ادام ۇستالدى. 

ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باستىعى ەرلان وماربەكوۆ تٷسٸندٸرگەندەي, قىلمىستىق توپ قاراشا ايىنىڭ باسىندا كٶزگە تٷسكەن. رەسەيدەن كەلگەن فيگۋرانتتاردىڭ بٸرٸنە جٷك تاسىمالى ارقىلى ەسٸرتكٸ ٶندٸرٸسٸ ٷشٸن پايدالانىلۋى مٷمكٸن پرەكۋرسورلار بەرٸلگەنٸ انىقتالدى. تاپسىرۋ كەزٸندە قىلمىستىق توپتىڭ ەكٸ قاتىسۋشىسى جٷكتٸ قابىلداعان ادام جەنە جٷك تاسىمالداۋ قۇجاتتارى رەسٸمدەلگەن ادام انىقتالدى. 

ەرٸ قاراي ولاردى باقىلاۋ تەۋلٸك بويى جٷرگٸزٸلدٸ. ٷش كٷننەن كەيٸن قىلمىسكەرلەردٸڭ بٸرٸ ەلوردادان پاۆلودار قالاسىنا تاكسيمەن شىققان. جول بويىندا قالاعا 40 شاقىرىم جەتپەي, جول بويىنداعى ورمان بەلدەۋٸنە ەسٸرتكٸ جاسىرىپ, كٶكشەتاۋ قالاسىنا جول تارتقان. 10 مينۋتتان كەيٸن توپتىڭ ٷشٸنشٸ مٷشەسٸ ەسٸرتكٸ جاسىرىلعان جەرگە كەلٸپ, ەسٸرتكٸنٸ العان. پاۆلودارعا قاراي بەتتەپ, كەيٸننەن سول ٶڭٸرلٸك پوليتسەيلەرمەن ۇستالعان. بۇل بۇرىن سوتتى بولعان, جەرگٸلٸكتٸ تۇرعىن بولىپ شىقتى, ونىڭ جالپى سالماعى 324 گرامم بولاتىن مەفەدروننىڭ ەكٸ پاكەتٸ تەركٸلەندٸ. ۇستالعان ادامنىڭ بارسەتٸنەن ەسٸرتكٸ زاتىنىڭ 30 بٸر رەتتٸك دوزاسى بار تاعى بٸر تٷيٸنشەك تابىلدى. پەتەردٸ تٸنتۋ كەزٸندە ەسٸرتكٸ سالۋعا ارنالعان قۇرالدار مەن زاتتار, جازبالارى بار دەپتەر پاراعى تەركٸلەندٸ. سول كٷنٸ بٸرٸنشٸ فيگۋرانت كٶكشەتاۋ قالاسىندا سىرت جەردە تاعى بٸر ورىنعا ەسٸرتكٸ جاسىرىپ, قالدىرىپ, ەلورداعا ورالعان. ەرٸ قاراي وقيعالار تەز دامىدى. سول كٷنٸ كەشكە كٶكشەتاۋ قالاسىندا جاسىرىلعان ەسٸرتكٸنٸ الىپ كەتۋگە تىرىسقان جەرگٸلٸكتٸ تۇرعىن ۇستالدى. ۇستاۋ بارىسىندا 130 گرامنان استام سينتەتيكالىق مەفەدرون ەسٸرتكٸسٸ تەركٸلەندٸ. ۇستالعان ازاماتتىڭ پەتەرٸندە تٸنتۋ بارىسىندا بٸر رەتتٸك مٶلشەر بويىنشا ٶلشەپ ورالعان وسى زاتتىڭ تاعى 15 گرامى, ماريحۋانا, تارازى جەنە ەسٸرتكٸ جاسىرۋدا پايدالانىلاتىن باسقا دا زاتتار تەركٸلەندٸ. كەلەسٸ كٷنٸ پاۆلودار قالاسىندا تاعى ەكٸ جٸگٸت پەن ەكٸ قىز ۇستالدى. ولاردىڭ بٸرەۋٸن جەكە تٸنتۋ كەزٸندە 400 گرامم مەفەدرون سالىنعان پاكەت تەركٸلەندٸ. قىزداردىڭ بٸرٸنەن الىنعان تەلەفوننان ەلوردالىق ەسٸرتكٸنٸڭ نەگٸزگٸ جەتكٸزۋشٸسٸمەن ەسٸرتكٸ العانى جەنە ونىڭ سالماعى تۋرالى حات-حابار الماسۋى تابىلدى. سول كٷنٸ ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ قىزمەتكەرلەرٸ مەن اقمولا وبلىسى پد ەرٸپتەستەرٸ نۇر-سۇلتان-ششۋچينسك تاس جولىنداعى جول بويىنداعى دەمحانانىڭ جانىنا ٶزبەكستاننىڭ تۋماسى, تاعى بٸر ەسٸرتكٸ جاسىرۋشى انىقتالدى. ۇستاۋ بارىسىندا جاسىرىنۋعا تىرىسقان كەزدە ٸٸم ارنايى جاساعىنىڭ جاۋىنگەرلەرٸمەن ۇستادى. ونىڭ كٶلٸگٸن تٸنتۋ كەزٸندە سالماعى 500 گرامم مەفەدرون سالىنعان تٷيٸنشەك تەركٸلەندٸ. ۇستالعان ازامات ونىڭ «قورجىنىندا» پاۆلودار, الماتى, ەكٸباستۇز قالالارىندا ەسٸرتكٸ جاسىرعانىن ايتتى. 

قازٸر ول كەزەكتٸ ٸرٸ مەفەدرون پارتيياسىمەن پەتروپاۆل قالاسىنا بارماقشى بولعان. وسىلايشا, تاعى ٷش قىلمىسكەر انىقتالدى. 20 قاراشادا پەتروپاۆل قالاسىندا سولتٷستٸكقازاقستاندىق پوليتسەيلەر جالدامالى پەتەردە ولاردى ۇستادى. انىقتالعانداي, بارلىعى وبلىس ورتالىعىنا ەسٸرتكٸنٸڭ تاراتۋ ٷشٸن ماقساتتى تٷردە كەلگەن. جالدامالى پەتەردە تٸنتۋ جٷرگٸزٸلدٸ. قاراۋ بارىسىندا ەسٸرتكٸنٸ ۇساق پارتييالارعا بۋىپ-تٷيۋ وسى جەردە جٷزەگە اسىرىلعانىن كٶرسەتتٸ: بٶلمەدە يزولەنتا قيىقتارى, بۋىپ-تٷيۋ ماتەريالدارىنىڭ قالدىقتارى, جيھازدىڭ شىنى بەتتەرٸنە ەسٸرتكٸنٸڭ ٸزدەرٸ شاشىراعان. ەر تٷرلٸ جاسىرىلعان جەرلەردە مەفەدروننىڭ بٸر رەتتٸك دوزاسى بار 165 تٷيٸنشەك, 450 گرامم الفا-PVP جەنە 300 گرامم مەفەدرون تابىلدى. تەرگەۋ ەرەكەتتەرٸن جٷرگٸزۋ كەزٸندە قالادا جالپى سالماعى 200 گراممبولاتىن مەفەدروننىڭ تاعى 6 جاىرىلعان جەرٸ تابىلىپ, تەركٸلەندٸ. قىلمىسكەرلەردەن بارلىعى 2,5 كەلٸ جۋىق سينتەتيكالىق ەسٸرتكٸ الىندى. 

ەرلان وماربەكوۆ تولىقتىرعانىنداي, بارلىق ۇستالعاندار قاماۋعا الىندى جەنە ولارعا قاتىستى قر قىلمىستىق كودەكستٸڭ 297-بابى 3-بٶلٸگٸ (ەسٸرتكٸ زاتتارىن ٶتكٸزۋ ماقساتىندا زاڭسىز يەمدەنۋ, ساقتاۋ, تاسىمالداۋ نە ادامدار توبىنىڭ الدىن الا سٶز بايلاسۋى بويىنشا, اسا ٸرٸ مٶلشەردە, ەلەكتروندىق اقپاراتتىق رەسۋرستاردى پايدالانۋ ارقىلى ٶتكٸزۋ) بويىنشا قىلمىستىق ٸستەر قوزعالدى. ەگەر سوتقا دەيٸنگٸ ٸس جٷرگٸزۋ بارىسىندا بارلىق قىلمىسكەرلەردٸڭ ۇيىمداسقان قىلمىستىق توپتىڭ مٷشەلەرٸ ەكەندٸگٸ دەلەلدەنسە, ۇستالعاندارعا ون بەس جىلدان جيىرما جىلعا دەيٸنگٸ مەرزٸمگە باس بوستاندىعىنان ايىرۋ نە مٷلكٸ تەركٸلەنٸپ, ٶمٸر بويى باس بوستاندىعىنان ايىرۋ قاۋپٸ تٶنەتٸن بولادى.