Qazaqstannyń 5 óńirinde esirtki satý jelisi joiyldy - IIM

Qazaqstannyń bes óńirinde esirtkini kóterme taratýshylar jelisi joiyldy, dep habarlaidy QazAqparat Polisia.kz saityna silteme jasap habarlaidy.

IIM Esirtki qylmysyna qarsy is-qimyl departamenti bes óńir men arnaiy bólimshe politseileriniń qatysýymen aýqymdy arnaiy operatsiia ótkizdi. Nátijesinde esirtkini kóterme taratýshylar jelisi joiyldy, zańsyz bizneske qatysqan 10 adam ustaldy. 

IIM Esirtki qylmysyna qarsy is-qimyl departamentiniń bastyǵy Erlan Omarbekov túsindirgendei, qylmystyq top qarasha aiynyń basynda kózge túsken. Reseiden kelgen figýranttardyń birine júk tasymaly arqyly esirtki óndirisi úshin paidalanylýy múmkin prekýrsorlar berilgeni anyqtaldy. Tapsyrý kezinde qylmystyq toptyń eki qatysýshysy júkti qabyldaǵan adam jáne júk tasymaldaý qujattary resimdelgen adam anyqtaldy. 

Ári qarai olardy baqylaý táýlik boiy júrgizildi. Úsh kúnnen keiin qylmyskerlerdiń biri elordadan Pavlodar qalasyna taksimen shyqqan. Jol boiynda qalaǵa 40 shaqyrym jetpei, jol boiyndaǵy orman beldeýine esirtki jasyryp, Kókshetaý qalasyna jol tartqan. 10 minýttan keiin toptyń úshinshi múshesi esirtki jasyrylǵan jerge kelip, esirtkini alǵan. Pavlodarǵa qarai bettep, keiinnen sol óńirlik politseilermen ustalǵan. Bul buryn sotty bolǵan, jergilikti turǵyn bolyp shyqty, onyń jalpy salmaǵy 324 gramm bolatyn mefedronnyń eki paketi tárkilendi. Ustalǵan adamnyń barsetinen esirtki zatynyń 30 bir rettik dozasy bar taǵy bir túiinshek tabyldy. Páterdi tintý kezinde esirtki salýǵa arnalǵan quraldar men zattar, jazbalary bar dápter paraǵy tárkilendi. Sol kúni birinshi figýrant Kókshetaý qalasynda syrt jerde taǵy bir orynǵa esirtki jasyryp, qaldyryp, elordaǵa oralǵan. Ári qarai oqiǵalar tez damydy. Sol kúni keshke Kókshetaý qalasynda jasyrylǵan esirtkini alyp ketýge tyrysqan jergilikti turǵyn ustaldy. Ustaý barysynda 130 gramnan astam sintetikalyq mefedron esirtkisi tárkilendi. Ustalǵan azamattyń páterinde tintý barysynda bir rettik mólsher boiynsha ólshep oralǵan osy zattyń taǵy 15 gramy, marihýana, tarazy jáne esirtki jasyrýda paidalanylatyn basqa da zattar tárkilendi. Kelesi kúni Pavlodar qalasynda taǵy eki jigit pen eki qyz ustaldy. Olardyń bireýin jeke tintý kezinde 400 gramm mefedron salynǵan paket tárkilendi. Qyzdardyń birinen alynǵan telefonnan elordalyq esirtkiniń negizgi jetkizýshisimen esirtki alǵany jáne onyń salmaǵy týraly hat-habar almasýy tabyldy. Sol kúni IIM Esirtki qylmysyna qarsy is-qimyl departamentiniń qyzmetkerleri men Aqmola oblysy PD áriptesteri Nur-Sultan-Shýchinsk tas jolyndaǵy jol boiyndaǵy dámhananyń janyna Ózbekstannyń týmasy, taǵy bir esirtki jasyrýshy anyqtaldy. Ustaý barysynda jasyrynýǵa tyrysqan kezde IIM arnaiy jasaǵynyń jaýyngerlerimen ustady. Onyń kóligin tintý kezinde salmaǵy 500 gramm mefedron salynǵan túiinshek tárkilendi. Ustalǵan azamat onyń «qorjynynda» Pavlodar, Almaty, Ekibastuz qalalarynda esirtki jasyrǵanyn aitty. 

Qazir ol kezekti iri mefedron partiiasymen Petropavl qalasyna barmaqshy bolǵan. Osylaisha, taǵy úsh qylmysker anyqtaldy. 20 qarashada Petropavl qalasynda soltústikqazaqstandyq politseiler jaldamaly páterde olardy ustady. Anyqtalǵandai, barlyǵy oblys ortalyǵyna esirtkiniń taratý úshin maqsatty túrde kelgen. Jaldamaly páterde tintý júrgizildi. Qaraý barysynda esirtkini usaq partiialarǵa býyp-túiý osy jerde júzege asyrylǵanyn kórsetti: bólmede izolenta qiyqtary, býyp-túiý materialdarynyń qaldyqtary, jihazdyń shyny betterine esirtkiniń izderi shashyraǵan. Ár túrli jasyrylǵan jerlerde mefedronnyń bir rettik dozasy bar 165 túiinshek, 450 gramm alfa-PVP jáne 300 gramm mefedron tabyldy. Tergeý áreketterin júrgizý kezinde qalada jalpy salmaǵy 200 grammbolatyn mefedronnyń taǵy 6 jayrylǵan jeri tabylyp, tárkilendi. Qylmyskerlerden barlyǵy 2,5 keli jýyq sintetikalyq esirtki alyndy. 

Erlan Omarbekov tolyqtyrǵanyndai, barlyq ustalǵandar qamaýǵa alyndy jáne olarǵa qatysty QR Qylmystyq Kodekstiń 297-baby 3-bóligi (Esirtki zattaryn ótkizý maqsatynda zańsyz iemdený, saqtaý, tasymaldaý ne adamdar tobynyń aldyn ala sóz bailasýy boiynsha, asa iri mólsherde, elektrondyq aqparattyq resýrstardy paidalaný arqyly ótkizý) boiynsha qylmystyq ister qozǵaldy. Eger sotqa deiingi is júrgizý barysynda barlyq qylmyskerlerdiń uiymdasqan qylmystyq toptyń músheleri ekendigi dáleldense, ustalǵandarǵa on bes jyldan jiyrma jylǵa deiingi merzimge bas bostandyǵynan aiyrý ne múlki tárkilenip, ómir boiy bas bostandyǵynan aiyrý qaýpi tónetin bolady.