بٷگٸن قازاقستاننىڭ 100 جاڭا ەسٸمٸن تاڭداۋ پروتسەسٸنٸڭ ەندٸ قالاي جالعاساتىنى جەنە ول پروتسەدۋرالاردىڭ قالاي جٷزەگە اساتىنى جٶنٸندە «قازاقستاننىڭ 100 جاڭا ەسٸمٸ» جوباسى بويىنشا جۇمىس توبى جەنە ساراپشىلىق توپتىڭ كەزەكتٸ وتىرىسىندا «قازكونتەنت» اق باسقارماسىنىڭ تٶراعاسى ەۆگەنيي كوچەتوۆ ايتىپ بەردٸ, دەپ حابارلايدى "ۇلت اقپارات".
«قازكونتەنت» اق باسشىسى ەۆگەنيي كوچەتوۆ «ەل.كز» پورتالىنداعى «100 جاڭا ەسٸم» بويىنشا اۋقىمدى جۇمىس جاساعانىن, سايتقا كەلگەن بارلىق ٶتٸنٸش قابىلدانعانىن ايتتى. «بٸز جۇمىستىڭ بٸرٸنشٸ كەزەڭٸندە جەرگٸلٸكتٸ اتقارۋشى ورگاندارمەن ىنتىماقتاسىپ, ولاردىڭ ۇسىنىستارىن جينادىق, ەندٸ 1 قازاننان ايدىڭ اياعىنا دەيٸن جۇمىستىڭ ەكٸنشٸ كەزەڭٸن باستاپ, وسى سايتتاعى ەسٸمدەرگە حالىقتىڭ ونلاين رەجيمدە داۋىس بەرۋٸن ۇيىمداستىرامىز. سونىمەن بٸرگە ٷمٸتكەرلەردٸڭ جەڭٸمپاز بولۋىنىڭ ەڭ باستى كريتەرييٸ – ەلباسىنىڭ باعدارلامالىق ماقالاسىندا ايتىلعانىنداي, تەۋەلسٸز قازاقستان ٷشٸن ايرىقشا ماڭىزدى ەرەن ەڭبەگٸ مەن جەتٸستٸكتەرٸنٸڭ مويىندالۋى», – دەدٸ ول. ودان بٶلەك, جينالعاندارعا سايتتا كٶرسەتٸلگەن داۋىس بەرۋدٸڭ تەرتٸبٸ تۋرالى بايانداپ بەردٸ.
«قولدانۋشىلارعا ىڭعايلى بولۋى ٷشٸن جوباعا قاتىسۋشىلار قىزمەت سالاسىنا بايلانىستى 7 بٶلٸمگە توپتاستىرىلادى. ولار: مەدەنيەت, بٸلٸم, قوعام, ٶنەر, بيزنەس, مەديتسينا, عىلىم جەنە سپورت. بۇل بٶلٸمدەردٸڭ ەربٸرٸنە شامامەن 30-40 قاتىسۋشى ۇسىنىلعان. ولاردىڭ سانى ساراپشىلىق توپتىڭ كانديداتتاردى تاڭداۋىنا بايلانىستى. ال نەگٸزگٸ كريتەريٸن مەملەكەت باسشىسى ٶزٸنٸڭ باعدارلامالىق ماقالاسىندا ايتتى», - دەدٸ ول.
كوچەتوۆتٸڭ ايتۋىنشا, قوعامدىق داۋىس بەرۋگە ۇسىنىلعان كانديداتتىڭ سايتتاعى سۋرەتٸن باسۋ ارقىلى ونىڭ جەتٸستٸككە جەتۋ تاريحىمەن دە تانىسۋعا مٷمكٸندٸك بار.
«اشىقتىقتى قامتاماسىز ەتۋ جەنە داۋىس بەرۋدٸ ەسەلەۋگە جول بەرمەۋ ماقساتىندا سايتقا تٸركەلۋ جٷيەسٸ ورناتىلعان. ونى بٸرنەشە ەدٸسپەن جٷزەگە اسىرۋعا بولادى. العاشقىسى -ەلەكتروندى پوشتا ارقىلى تٸركەلۋ. ەكٸنشٸ جولى - ەلەۋمەتتٸك جەلٸدەگٸ اككاۋنتتار ارقىلى اۆتوريزاتسييالانۋ. قولدانۋشى ٶز ٷمكٸتكەرٸن تاڭداپ, داۋىس بەرۋگە دايىن بولعان كەزٸندە باتىرمانى باسسا جەتكٸلٸكتٸ. بۇل رەتتە قولدانۋشى كٶپ دەگەندە 3 ادامعا عانا داۋىس بەرە الادى. بٸر كانديداتقا بٸر رەت قانا داۋىس بەرۋگە بولادى. قايتا داۋىس بەرۋ مٷمكٸن ەمەس. سايتتا داۋىستاردى اۆتوماتتى تٷردە ساناۋ جٷرگٸزٸلەدٸ», - دەدٸ ول.
وتىرىستا بۇلاردان باسقا دا جۇمىس توبى مەن ساراپشىلاردىڭ بٸرنەشە بەلسەندٸلەرٸ سٶيلەپ, ٶزدەرٸنٸڭ ٸستەگەن جۇمىستارى مەن ۇسىنىستارىن ورتاعا سالدى. جيىندى اقپارات جەنە كوممۋنيكاتسييالار مينيسترٸ د.اباەۆ قورىتىندىلاپ, پورتالعا ەسٸمدەرٸ ەنگەن بارلىق ادام بەلگٸلٸ بٸر تابىسقا قول جەتكٸزگەندەر, ياعني ولاردىڭ ەرقايسىسى بٸر جەتٸستٸكتٸڭ تاريحى ەكەنٸن ايتا كەلٸپ, باق ولاردى حالىققا تانىتۋدا ايانباي ەڭبەك ەتۋلەرٸ كەرەكتٸگٸن ايتتى.
