قازاقستاننان شىعۋعا تىيىمنىڭ بار-جوعىن موبيلدٸك قوسىمشادا تەكسەرۋگە بولادى

قازاقستاندىقتار شەت مەملەكەتتەرگە شىعۋعا تىيىمنىڭ بار-جوعىن «ە-Salyq-Azamat» موبيلدٸك قوسىمشاسىندا تەكسەرە الادى, دەپ حابارلايدى "ۇلت اقپارات".

قر قارجى مينيسترلٸگٸنٸڭ اقپاراتىنا سەيكەس, مەملەكەتتٸك كٸرٸستەر كوميتەتٸ «ە-Salyq-Azamat» موبيلدٸك قوسىمشاسىنا شەت ەلدەرگە شىعۋعا سالىنعان تىيىمدى قاراۋعا, بورىشكەرلەر تٸزٸمٸمەن تانىسۋعا مٷمكٸندٸك بەرەتٸن سٸلتەمەنٸ ورنالاستىردى. 

مەلٸم ەتٸلگەندەي, سوت ورىنداۋشىلار بيۋدجەت الدىندا 40 ايلىق ەسەپتٸك كٶرسەتكٸشتەن استام (116 680 تەڭگە, 1 اەك - 2917 تەڭگەگەگ تەڭ) قارىزى بار جەكە تۇلعالارعا ەلدەن تىس جەرگە شىعۋعا شەكتەۋ قويادى. ال اتى-جٶنٸ بورىشكەرلەر تٸزٸمٸنە ەنگٸزٸلەدٸ. 

موبيلدٸك قوسىمشاعا كٸرۋ ٷشٸن ازاماتتىڭ ۇيالى تەلەفون نٶمٸرٸ موبيلدٸ ازاماتتار بازاسىندا (حقكو) جسن-عا بايلانۋى قاجەت.