بٷگٸن الماتى وبلىسىندا شەكاراشىلار قازاقستاننان قىتايعا دەكلاراتسييالانباعان قاراجات ٶتكٸزبەك بولعان ەكٸ ازاماتتى ۇستادى.
بۇل تۋرالى قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ باسپاسٶز قىزمەتٸ حابارلادى.
«2019 جىلدىڭ 24 قىركٷيەگٸندە الماتى وبلىسى بويىنشا مەملەكەتتٸك كٸرٸستەر دەپارتامەنتٸ «قورعاس» شەكارا ماڭى ىنتىماقتاستىق حالىقارالىق ورتالىعى» كەدەن بەكەتٸنٸڭ قىزمەتكەرلەرٸ قر ۇقك شق №2088 ەسكەري بٶلٸمٸنٸڭ قىزمەتكەرلەرٸمەن بٸرلەسٸپ كەدەندٸك باقىلاۋدى جٷزەگە اسىرۋ بارىسىندا ەكٸ قازاقستاندىق ازاماتتى ۇستادى», - دەلٸنگەن حابارلامادا.
ازاماتتار قازاقستاننان قىتايعا دەكلاراتسييالانباعان 5 000 000 تەڭگە جەنە 5 531 000 تەڭگە كٶلەمٸندە قاراجات الىپ ٶتپەك بولعان.
«قازٸرگٸ ۋاقىتتا كٸنەلٸ تۇلعالار قر «ەكٸمشٸلٸك قۇقىق بۇزۋشىلىق تۋرالى» كودەكستٸڭ 551-بابى, 3-بٶلٸمٸ بويىنشا ەكٸمشٸلٸك جاۋاپقا تارتىلدى», - دەيدٸ باسپاسٶز قىزمەتٸ.
