2019 جىلدىڭ 1 سەۋٸرٸندە قازاقستان حالقىنىڭ سانى 18 ملن 448,6 مىڭ ادامعا جەتٸپ, ٶتكەن جىلدىڭ 1 سەۋٸرٸنە قاراعاندا 238,8 مىڭ ادامعا نەمەسە 1,3 پايىزعا ارتتى, دەپ حابارلايدى "ۇلت اقپارات".
قر ۇەم ستاتيستيكا كوميتەتٸنٸڭ دەرەگٸنشە, قالا تۇرعىندارىنىڭ سانى 10 ملن 734,2 مىڭ ادامدى نەمەسە جالپى حالىق سانىنىڭ 58,2 پايىزىن, ال اۋىل تۇرعىندارى 7 ملن 714,47 مىڭ ادامدى نەمەسە 41,8 پايىزدى قۇرايدى.
قاڭتار-ناۋرىزدا رەسپۋبليكادا 1 جاسقا تولماعان 856 سەبيدٸڭ شەتٸنەۋٸ تٸركەلگەن. 2018 جىلدىڭ دەل وسىنداي كەزەڭٸمەن سالىستىرعاندا 1 جاسقا دەيٸنگٸ سەبيلەردٸڭ ٶلٸم-جٸتٸمٸ 4,4 پايىزعا ارتىپ وتىر. 2019 جىلدىڭ قاڭتار-ناۋرىزىندا سەبي ٶلٸمٸنٸڭ كوەففيتسيەنتٸ 1000 دٷنيەگە كەلگەن بالاعا شاققاندا 9,31 وقيعا بولدى.
سەبي ٶلٸم-جٸتٸمٸنٸڭ نەگٸزگٸ سەبەبٸ پەريناتالدىق كەزەڭدە پايدا بولعان جاعداي سانالادى. ونىڭ سالدارىنان قاڭتاردا 447 بالا شەتٸنەدٸ. تۋا بٸتكەن اۋىتقۋدان 164, تىنىس الۋ مٷشەلەرٸ اۋرۋىنان 72, تٶتەنشە جاعدايلاردان 24 بالا كٶز جۇمدى.
وسى جىلدىڭ قاڭتار-ناۋرىزىندا ٶتكەن جىلدىڭ وسى كەزەڭٸمەن سالىستىرعاندا, قازاقستانعا كەلۋشٸلەردٸڭ سانى 8,4 پايىزعا ازايىپ, كەتۋشٸلەردٸڭ سانى 22 پايىزعا ارتتى. نەگٸزگٸ ميگراتسييالىق الماسۋلار تمد ەلدەرٸنە تيەسٸلٸ. تمد ەلدەرٸنەن كەلگەندەردٸڭ ٷلەسٸ 84,5 پايىزدى جەنە اتالعان مەملەكەتتەرگە كەتكەندەر سانى 89,1 پايىز بولدى.
ەل اۋماعىنان تىسقارى كەتكەن ميگرانتتار سانى 14,1 پايىزعا ارتتى. ٶڭٸرارالىق قونىس اۋدارۋدا كٶشٸ-قوننىڭ وڭ سالدوسى ماڭعىستاۋ وبلىسىندا (369 ادام) جەنە نۇر-سۇلتان (6 089) مەن الماتى (6 559) قالالارىندا تٸركەلگەن.
