بٷگٸن ۋكراينانىڭ قازاقستانداعى ەلشٸلٸگٸندە «EXPO - 2017: ۋكراينا استاناعا نە ەكەلەدٸ?» تاقىرىبىندا بريفينگ ٶتتٸ. وندا قازاقستان رەسپۋبليكاسىنداعى ۋكراينا ٸستەرٸنٸڭ ۋاقىتشا سەنٸمدٸ ٶكٸلٸ ۆولودىمىر دجيدجورا ايتۋلى شاراداعى ۋكرايندىق تاراپتىڭ جوسپارلارىمەن بٶلٸستٸ.
سەنٸمدٸ ٶكٸلدٸڭ مەلٸمدەۋٸنشە, قازاقستان ۋكراينا جەنە ونداعان مەملەكەتكە پاۆيلونعا تەگٸن ورنالاسۋعا مٷمكٸندٸك بەردٸ. بۇل مەملەكەتتەر اراسىنداعى كەلٸسسٶزدەر نەتيجەسٸندە جٷزەگە اسقان. «ەكسپو-2017» كٶرمەسٸنە دايىندىق جۇمىستارىمەن ۋكراينانىڭ ەكونوميكالىق دامۋ جەنە ساۋدا مينيسترلٸگٸ جەنە ۋكراينانىڭ ساۋدا-ٶنەركەسٸپتٸك پالاتاسى اينالىسۋدا. سونىمەن بٸرگە, ۋكراينانىڭ ۆيتسە-پرەمەرٸ گەنناديي زۋبكو ۋكراينا سەكتسيياسىنىڭ كوميسسارى بولىپ تاعايىندالعان.
ۋكراينا پاۆيلونىنىڭ اۋماعى 35 شارشى مەتردٸ قۇرايدى. مۇندا ٷلكەن ەكران ورناتىلىپ, ۋكراينانىڭ بار مٷمكٸندٸكتەرٸ مەديا-تانىستىرىلىم تٷرٸندە كٶرسەتٸلەدٸ. بٷگٸنگە دەيٸن ۋكراينانىڭ ونداعان كومپانييالارى كٶرمەگە قاتىساتىندارىن راستادى. ولاردىڭ قاتارىندا دتەك, «فۋرلەندەر ۆيندتەحنولودجي», «Syneko» جەنە «SolarGaps» بار. بۇل ۋكرايناداعى بالامالى ەنەرگييا ٶندٸرۋ بويىنشا الدىڭعى قاتارلى جەكە كومپانييالار. كٶرمە بارىسىندا ەلەكتر ەنەرگيياسىن ٶندٸرۋ, تاراتۋ جەنە ساقتاۋمەن اينالىساتىن ۋكراينالىق كومپانييا ٶكٸلدەرٸ ٶز ەلەۋەتتەرٸن كٶرسەتٸپ, سەرٸكتەستەرمەن كەلٸسسٶزدەر جٷرگٸزە الادى.
«ۋكراينادا جەل ەلەكتر ٶندٸرٸسٸ جاقسى دامىعان. سوندىقتان , بٸز جەل جەنە كٷن ەنەرگيياسىنا قاتىستى قىزىقتى تەحنولوگييالارمەن بٶلٸسە الامىز. مەن قازاقستاننىڭ قاراعاندى, اقتاۋ, پاۆلودار سىندى قالالارىندا بولدىم جەنە قازاقستاننىڭ باسىم بٶلٸگٸندە جەلدٸڭ ٶتە كٶپ ەكەنٸن بايقادىم. سوندىقتان, قازاقستانعا جەل قۋاتىن ٶندٸرۋدٸ دامىتا تٷسۋ قاجەت», - دەپ تولىقتىردى ۆ.دجيدجورا.
15 ماۋسىم كٷنٸ ەكسپو اۋماعىندا ۋكراينانىڭ ۇلتتىق كٷنٸ ٶتەدٸ. وعان قازاقستان حالقى اسسامبلەياسى اياسىندا جۇمىس ٸستەيتٸن ۋكراين ەتنومەدەني بٸرلەستٸكتەرٸ, استاناداعى ۋكرايندىق مەيرامxانالار اتسالىسادى. ۇلتتىق كٷنگە ۋكراينا پرەمەر-مينيسترٸ ۆلاديمير گرويسمان ارنايى كەلەدٸ دەپ كٷتٸلۋدە. ۇلتتىق كٷنمەن بٸرگە, پرەمەر-مينيستر ەكٸ ەلدٸڭ كەسٸپكەرلەرٸنە ارنالعان بيزنەس-سەمينارعا دا قاتىسادى. سەمينارعا جاڭارتىلعان ەنەرگەتيكا سالاسى بويىنشا ۋكرايندىق جەنە قازاقستاندىق كەسٸپكەرلەر شاقىرىلىپ, ىنتىماقتاستىق ورناتۋ, كەلٸسسٶزدەر جٷرگٸزۋ مٷمكٸندٸگٸ بەرٸلەدٸ.
ەكسپو قارساڭىندا ۋكراينادان كەلەتٸن جەنە وسى ەل ارقىلى ۇشىپ كەلەتٸن قوناقتاردىڭ سانى كٶبەيەدٸ. وسىعان وراي, قازاقستان مەن ۋكراينا اراسىنداعى ەۋە رەيستەرٸنٸڭ سانى ۇلعايادى. ودان بٶلەك, «ەير استانا» ەۋە كومپانيياسىمەن كيەۆ-استانا باعىتىندا تٸكەلەي رەيس اشۋ تۋرالى كەلٸسسٶزدەر اياقتالۋعا جاقىن. كٶرمە كەزٸندە «ۋكراينا حالىقارالىق ەۋە جەلٸلەرٸ» جەنە «ەير استانا» كومپانييالارىنىڭ رەيستەرٸ اپتاسىنا 7 جەنە 5 كٷن ۇشادى دەپ جوسپارلانىپ وتىر.
ەسكە سالا كەتسەك, 2017 جىلدىڭ 23 اقپانىندا ەكسپو-2017 كٶرمەسٸنٸڭ كوميسسارى رەپٸل جوشىباەۆ ۋكراينا سەكتسيياسى كوميسسارىنىڭ ورىنباسارى سەرگەي ساۆچۋكپەن كەزدەسكەن ەدٸ. كەزدەسۋ قورىتىندىسى بويىنشا جوشىباەۆ پەن ساۆچۋك ەكسپو-2017 حالىقارالىق مامانداندىرىلعان كٶرمەسٸنە ۋكراينانىڭ قاتىساتىنى تۋرالى شارتقا قول قويدى.
