قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ٷكٸمەت وتىرىسىنان كەيٸن ٶتكەن باسپاسٶز مەسليحاتىندا قىرعىزستان تاراپىنان كەلەتٸن سۋدىڭ كٶلەمٸ ٶزگەرمەيتٸنٸن اتادى, دەپ حابارلايدى قازاقپارات.
«قىرعىز تاراپىنىڭ دەپۋتاتتارى شەكاراداعى ساۋدا قاتىناسى رەتتەلمەسە, قازاقستانعا تيەسٸلٸ سۋدى قىسۋ كەرەك دەگەن مەسەلە كٶتەرگەنٸ ايتىلىپ جٷر. شىنىمەن دە سونداي تەۋەكەل بار ما», - دەپ سۇرادى باق ٶكٸلٸ مينيستردەن.
ۆەدومستۆو باسشىسىنىڭ ايتۋىنشا, رەسمي دەڭگەيدە ونداي مەسەلە كٷن تەرتٸبٸنە قويىلىپ وتىرعان جوق.
«قىرعىز رەسپبۋليكاسىنا سۋ رەسۋرستارى بويىنشا قانشالىقتى تەۋەلدٸمٸز دەگەنگە كەلسەك, راسىمەن تەۋەلدٸلٸك بار. نەگٸزٸنەن قىرعىزستان اۋماعىنداعى توقتاعۇل سۋ قويماسىنان كەلەتٸن سۋعا تەۋەلدٸمٸز. قىرعىزدارمەن ارادا كەلٸسٸم بار. ولاردىڭ بٸزگە بٶلۋٸ تيٸس سۋ كٶلەمدەرٸ بويىنشا ەشقانداي تەۋەكەل نەمەسە قاۋٸپ كٶرٸپ تۇرعان جوقپىز. قىرعىزدار بٸزگە سۋ بەرمەي قويادى دەگەن مەلٸمەت بٸزدە جوق», - دەدٸ ول.
سونداي-اق, مينيستر وسى ايدىڭ 20-سى كٷنٸ تاراز قالاسىندا شۋ جەنە تالاس ٶزەندەرٸنٸڭ بويىنداعى سۋ شارۋاشىلىعى نىساندارى بويىنشا مەجٸلٸس ٶتكەنٸن ەسكە سالدى.
«بۇل ٶزەندەرگە جامبىل وبلىسىنىڭ سۋمەن قامتاماسىز ەتۋلٸ مەسەلەسٸ تەۋەلدٸ. ول جەردە بٸزدٸڭ ماماندار قىرعىز ەرٸپتەستەرٸمەن كەزدەستٸ. ناقتى كەلٸسٸمدەر بار. سوندىقتان بٸز قىرعىز تاراپىنان تيەسٸلٸ سۋدى الماي قالۋىمىز مٷمكٸن دەگەن تەۋەكەل جوق», - دەدٸ سەرٸكقالي برەكەشەۆ.
