قازاقستانعا كرەماتوريي قۇرىلىسى نە ٷشٸن قاجەت بولدى? بۇل سۇراققا ەدٸلەت مينيسترلٸگٸنٸڭ ساراپشىلىق جۇمىسىن ۇيىمداستىرۋ دەپارتامەنتە قاراستى سوت ساراپتامالارى ورتالىعىنىڭ جۇمىسىن باقىلاۋ باسقارماسىنىڭ باسشىسى تەمٸربولات قوجامجاروۆ جاۋاپ بەردٸ, دەپ حابارلايدى قازاقپارات.
«پاندەمييانىڭ شارىقتاۋ شەگٸ كەزٸندە COVID-19 ٸندەتٸنەن كٶز جۇمعان ازاماتتاردىڭ سانى كٷرت ٶسٸپ كەتتٸ. اۋرۋحانالاردىڭ پاتولوگو-اناتومييالىق بيۋروسى مەن سوت-مەديتسينالىق مورگتارعا ادامداردىڭ دەنەسٸ كٶپ جەتكٸزٸلٸپ, ونداعى قىزمەتكەرلەر جٷكتەمەنٸ ەڭسەرە الماي جاتتى. ال بۇل جاعداي حالىقتىڭ اشۋىن تۋعىزدى. سونىمەن قاتار كٸسٸلەردٸڭ دەنەسٸن پاتولوگو-اناتومييالىق جەنە سوت-مەديتسينالىق اشۋ كەزٸندە مەديتسينالىق ماسكا, كوستيۋم, پاكەت, بينت, شپريتس سەكٸلدٸ قاۋٸپتٸ زاتتار كٶبەيٸپ كەتتٸ», - دەپ تٷسٸندٸردٸ تەمٸربولات قوجامجاروۆ.
ونىڭ ايتۋىنشا مۇنداي جاعدايدا قاۋٸپتٸ زاتتاردى جويۋدىڭ بٸردەن بٸر امالى – ارنايى پەشتەردە ٶرتەۋ. ٶلٸمنٸڭ بۇرىنعىدان كٶبٸرەك تٸركەلٸپ, قاۋٸپتٸ زاتتاردىڭ ارتۋى نۇر-سۇلتان جەنە الماتى قالالارىندا اسا قاۋٸپتٸ بيولوگييالىق قالدىقتاردى جويۋعا ارنالعان جوعارى تەحنولوگييالى پەشتەرٸ بار پاتولوگو-اناتومييالىق بيۋرولاردى سالۋعا مەجبٷرلەگەن.
«قازاقستاندا ٶمٸردەن ٶتٸپ كەتكەن شەتەل ازاماتتارىن جەرلەۋگە قاتىستى دا پروبلەما تۋىندادى. 2019 جىلى قايتىس بولعان 50 شەتەلدٸك ازاماتتىڭ دەنەسٸ تەكسەرٸلسە (اعزاسىن اشۋ ارقىلى زەرتتەۋ), ٶتٸپ كەتكەن جىلى 200 ازاماتتى وسىلاي تەكسەرۋگە تۋرا كەلدٸ. شەكارالار جابىلىپ, وتانىنا قايتارۋ مٷمكٸن بولماعاندىقتان, ولاردىڭ تۋعان-تۋىستارى مورگتارعا جٷگٸنٸپ, كرەماتسييا جاساتۋعا ٶتٸنٸش بٸلدٸردٸ. پاتولوگو-اناتومييالىق بيۋرولار اسا قاۋٸپتٸ ۆيرۋستان نەمەسە كوروناۆيرۋستان كٶز جۇمعان بٸزدٸڭ ازاماتتاردىڭ دەنەسٸن كرەماتسييالاۋدى كٶزدەمەيدٸ. قر دەنساۋلىق ساقتاۋ مينيسترٸ 2018 جىلعى 18 جەلتوقساندا بەكٸتكەن №40 بۇيرىعىنىڭ 239-ەرەجەسٸنٸڭ 4-بٶلٸگٸندە كٶرسەتٸلگەندەي, ادامنىڭ دەنەسٸ تەك تۋعان-تۋىستارىنىڭ كەلٸسٸمٸ بويىنشا كرەماتسييالانادى. كرەماتسييادان كەيٸن كٷلٸ تۋىستارىنا بەرٸلەدٸ. وسى ماقساتتا ەدٸلەت مينيسترلٸگٸنە جوعارى تەحنولوگييالى پەشتەرٸ بار پاتولوگو- اناتومييالىق بيۋرولاردى سالۋ ٷشٸن نۇر-سۇلتان قالاسىنا ارنالىپ 1 ملرد 475 ملن تەڭگە, ال الماتى قالاسىن ارنالىپ 1 ملرد 744 ملن تەڭگە بٶلٸندٸ», - دەپ قوستى تەمٸربولات قوجامجاروۆ.
