فوتو: Ru.freepik.kz
قازاقستان كٶشٸ-قون ساياساتىن جاڭارتىپ, ەلگە جوعارى بٸلٸكتٸ ماماندار مەن ينۆەستورلاردى تارتۋعا باسىمدىق بەرٸپ وتىر. بۇل تۋرالى بٷگٸن ۆيتسە-پرەمەر – مەدەنيەت جەنە اقپارات مينيسترٸ ايدا بالاەۆا مەلٸمدەدٸ, دەپ حابارلايدى Ult.kz.
مينيستردٸڭ ايتۋىنشا, 2026 جىلعى 10 سەۋٸردەن باستاپ شەتەل ازاماتتارىن تۇراقتى تۇرۋعا قابىلداۋ تەرتٸبٸنە قاتىستى جاڭا ەرەجەلەر كٷشٸنە ەنگەن. بۇل ٶزگەرٸستەر ەلدٸڭ ادامي كاپيتال ساپاسىن ارتتىرۋعا جەنە سۇرانىسقا يە مامانداردى تارتۋعا باعىتتالعان.
قازاقستاندا ينۆەستورلار ٷشٸن جەڭٸلدەتٸلگەن ۆيزالىق رەجيم ساقتالادى. ولارعا ينۆەستيتسييالىق جوبالارعا قاتىساتىن باسشىلار مەن ولاردىڭ وتباسى مٷشەلەرٸ ٷشٸن ارنايى ۆيزالار بەرٸلەدٸ. بۇل ەل ەكونوميكاسىنا ەركٸن كٸرٸپ, بيزنەس جٷرگٸزۋگە جەنە جاڭا جۇمىس ورىندارىن اشۋعا مٷمكٸندٸك بەرەدٸ.
سونىمەن قاتار, تاپشى ماماندىق يەلەرٸن تارتۋعا ەرەكشە نازار اۋدارىلىپ وتىر.
ايدا بالاەۆانىڭ ايتۋىنشا, ارنايى ۆيزالار مەن تۇراقتى تۇرۋعا مٷمكٸندٸك بەرەتٸن ساناتتار نەيروحيرۋرگتار, گەماتولوگتار, فارماتسەۆتيكالىق ينجەنەر-تەحنولوگتار, باكتەريولوگتار, گرافيكالىق انيماتسييا ماماندارى سيياقتى سۇرانىسقا يە كەسٸپ يەلەرٸنە قاراستىرىلعان.
جالپى تٸزٸمگە 51 ماماندىق ەنگٸزٸلگەن جەنە ول تۇراقتى تٷردە جاڭارتىلىپ وتىرادى. بۇل تٸزٸم ەل ەكونوميكاسىنىڭ قاجەتتٸلٸگٸنە قاراي ٶزگەرٸپ وتىرادى. كەلەسٸ جاڭارتۋ 2030 جىلعا دەيٸنگٸ كٶشٸ-قون ساياساتى تۇجىرىمداماسى اياسىندا جىل سوڭىنا دەيٸن جٷزەگە اسىرىلادى.
سونىمەن قاتار جاڭا ۆيزا تٷرلەرٸ ەنگٸزٸلۋدە.
مينيستردٸڭ ايتۋىنشا, جوعارى بٸلٸكتٸ ماماندار مەن تسيفرلىق كٶشپەندٸلەرگە ارنالعان جاڭا ۆيزالىق ساناتتار جاھاندىق تالانتتار مەن زاماناۋي تەحنولوگييالاردى تارتۋعا مٷمكٸندٸك بەرەدٸ.
سونداي-اق مەملەكەتتٸك ورگانداردىڭ ۇسىنىسى نەگٸزٸندە شەتەل ازاماتتارىن جەڭٸلدەتٸلگەن تەرتٸپپەن ەلگە كٸرگٸزۋ تەتٸگٸ قاراستىرىلعان.
رەسمي مەلٸمەتكە سەيكەس, بۇل شارالار مەملەكەت, بيزنەس جەنە قوعام مٷددەلەرٸنٸڭ تەڭگەرٸمٸن ساقتاي وتىرىپ, قازاقستاننىڭ اشىق ەرٸ زاماناۋي كٶشٸ-قون ساياساتىن قالىپتاستىرۋعا باعىتتالعان.
