سۋرەت اشىق دەرەككٶزدەن الىندى
قازاقستاندىق قوعامدىق دامۋ ينستيتۋتىنىڭ وتباسى ينستيتۋتىن زەردەلەۋ ورتالىعىندا سەكسۋالدىق زورلىق-زومبىلىققا ۇشىراعان قازاقستاندىقتار سانى ارتقانى تۋرالى حابارلادى, - دەپ حابارلايدى Tengrinews.kz سايتى.
ورتالىق باسشىسى ولگا نيكولاەۆانىڭ ايتۋىنشا, ەيەلدەر ەرلەرگە قاراعاندا 10 ەسە جيٸ حاراسسمەنتكە ۇشىرايدى.
"ازاماتتاردىڭ 5 پايىزعا جۋىعى, ەر ادامدار دا, ەيەلدەر دە قۋدالاۋ پروبلەماسىمەن بەتپە-بەت كەلەدٸ. زاڭنامالىق دەڭگەيدە بۇل پروبلەماعا قارسى تۇرۋدىڭ ناقتى قۇرالدارى جوق, حالىقتىڭ رەپرودۋكتيۆ دەنساۋلىعىن قامتاماسىز ەتۋ سالاسىندا كەلەسٸ مەسەلەلەر بايقالادى: كەسٸبي كادرلاردىڭ, ەسٸرەسە اكۋشەر-گينەكولوگتاردىڭ, ۋرولوگ-اندرولوگتاردىڭ, مەديتسينالىق كٶمەك ساپاسىنىڭ جەتٸسپەۋشٸلٸگٸ, ەسٸرەسە اۋىلدىق جەرلەردە, نەرەستەلەر مەن انا ٶلٸمٸنٸڭ ارتۋى", - دەدٸ مامان وقك ٶتكەن بريفينگتە.
سونىمەن قاتار, ول ازاماتتاردىڭ 5 پايىزدان استامى فيزيكالىق زورلىق-زومبىلىق قاۋپٸنە تاپ بولاتىنىن ايتتى. ونىڭ ايتۋىنشا, ەر ادامدار بۇل قاۋٸپكە نەگٸزٸنەن كٶشەدە, ال ەيەلدەر قوعامدىق ورىندار مەن ٷيلەردە ۇشىرايدى.
قازاقستاندىقتاردىڭ تٶرتتەن بٸرٸ ەيەلدەردٸ كٷشتەپ ۇرلاۋمەن كەلٸسەدٸ - زەرتتەۋ.
قازاقستاندىقتاردىڭ جارتىسى ۇرلانعان قالىڭدىق پوليتسيياعا حابارلاسپاۋى كەرەك دەپ سانايدى.
"سونىمەن قاتار, قازاقستاندىقتاردىڭ ٷشتەن بٸرٸ كەيٸنگٸ ەكٸ جىلدا تۇرمىستىق زورلىق-زومبىلىقپەن كٷرەسۋدەگٸ جاعداي جاقسارعانىن ايتادى. بۇل ٸشٸنارا مەملەكەتتٸك ورگانداردىڭ قىزمەتٸمەن دە بايلانىستى. رەسپوندەنتتەردٸڭ تٶرتتەن بٸر بٶلٸگٸ دەرلٸك – 23,6 پايىزى ەيەلدەردٸ كٷشتەپ ۇرلاۋدى بەيتاراپ نەمەسە وڭ باعالايدى", - دەدٸ ول.
زەرتتەۋ دەرەكتەرٸنە سەيكەس, ساۋالناماعا قاتىسقان قازاقستاندىقتاردىڭ جارتىسى عانا, ياعني 54 پايىزى قىزدى ونىڭ كەلٸسٸمٸنسٸز ۇرلاپ كەتكەن بولسا, وندا ول قىز قۇقىق قورعاۋ ورگاندارىنا جٷگٸنۋ كەرەك دەپ ەسەپتەيدٸ. بۇل رەتتە رەسپوندەنتتەردٸڭ 11,7 پايىزى ۇرلانعان قىزدىڭ قالىپ, تۇرمىسقا شىعۋى كەرەك دەپ ەسەپتەسە, قازاقستاندىقتاردىڭ 18,4 پايىزى قۇقىق قورعاۋ ورگاندارىنا ارىزدانباۋ كەرەك دەپ ەسەپتەيدٸ.
"جاناما تٷردە جىنىستىق زورلىق-زومبىلىق جاساعانى ٷشٸن جاۋاپكەرشٸلٸك ەڭبەك كودەكسٸ, قىلمىستىق كودەكس, ەكٸمشٸلٸك قۇقىق بۇزۋشىلىق تۋرالى كودەكس باپتارىندا قاراستىرىلعان, بٸراق بۇل رەتتە ەر باپتا بۇل قۇقىق بۇزۋشىلىققا ٶزٸندٸك انىقتاما بەرٸلگەن", - دەپ تٷيٸندەدٸ ول.
