sýret ashyq derekkózden alyndy
Qazaqstandyq qoǵamdyq damý institýtynyń Otbasy institýtyn zerdeleý ortalyǵynda seksýaldyq zorlyq-zombylyqqa ushyraǵan qazaqstandyqtar sany artqany týraly habarlady, - dep habarlaidy Tengrinews.kz saity.
Ortalyq basshysy Olga Nikolaevanyń aitýynsha, áielder erlerge qaraǵanda 10 ese jii harassmentke ushyraidy.
"Azamattardyń 5 paiyzǵa jýyǵy, er adamdar da, áielder de qýdalaý problemasymen betpe-bet keledi. Zańnamalyq deńgeide bul problemaǵa qarsy turýdyń naqty quraldary joq, halyqtyń reprodýktiv densaýlyǵyn qamtamasyz etý salasynda kelesi máseleler baiqalady: kásibi kadrlardyń, ásirese akýsher-ginekologtardyń, ýrolog-andrologtardyń, meditsinalyq kómek sapasynyń jetispeýshiligi, ásirese aýyldyq jerlerde, náresteler men ana óliminiń artýy", - dedi maman OQK ótken brifingte.
Sonymen qatar, ol azamattardyń 5 paiyzdan astamy fizikalyq zorlyq-zombylyq qaýpine tap bolatynyn aitty. Onyń aitýynsha, er adamdar bul qaýipke negizinen kóshede, al áielder qoǵamdyq oryndar men úilerde ushyraidy.
Qazaqstandyqtardyń tórtten biri áielderdi kúshtep urlaýmen kelisedi - zertteý.
Qazaqstandyqtardyń jartysy urlanǵan qalyńdyq politsiiaǵa habarlaspaýy kerek dep sanaidy.
"Sonymen qatar, qazaqstandyqtardyń úshten biri keiingi eki jylda turmystyq zorlyq-zombylyqpen kúresýdegi jaǵdai jaqsarǵanyn aitady. Bul ishinara memlekettik organdardyń qyzmetimen de bailanysty. Respondentterdiń tórtten bir bóligi derlik – 23,6 paiyzy áielderdi kúshtep urlaýdy beitarap nemese oń baǵalaidy", - dedi ol.
Zertteý derekterine sáikes, saýalnamaǵa qatysqan qazaqstandyqtardyń jartysy ǵana, iaǵni 54 paiyzy qyzdy onyń kelisiminsiz urlap ketken bolsa, onda ol qyz quqyq qorǵaý organdaryna júginý kerek dep esepteidi. Bul rette respondentterdiń 11,7 paiyzy urlanǵan qyzdyń qalyp, turmysqa shyǵýy kerek dep eseptese, qazaqstandyqtardyń 18,4 paiyzy quqyq qorǵaý organdaryna aryzdanbaý kerek dep esepteidi.
"Janama túrde jynystyq zorlyq-zombylyq jasaǵany úshin jaýapkershilik Eńbek kodeksi, Qylmystyq kodeks, Ákimshilik quqyq buzýshylyq týraly kodeks baptarynda qarastyrylǵan, biraq bul rette ár bapta bul quqyq buzýshylyqqa ózindik anyqtama berilgen", - dep túiindedi ol.
