قازاقستاندىقتاردىڭ زەينەتاقى جيناعى 13,1 ترلن تەڭگەنٸ قۇرادى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«زەينەتاقى اكتيۆتەرٸ 1 اقپانداعى جاعداي بويىنشا جىل باسىنان باستاپ 213,9 ملرد تەڭگەگە نەمەسە 1,7 پايىزعا ۇلعايىپ, 13,1 ترلن تەڭگە بولدى. بيىلعى جىلدىڭ باسىنان باستاپ ەسەپتەلگەن ينۆەستيتسييالىق كٸرٸس مٶلشەرٸ 178,5 ملرد تەڭگەنٸ, زەينەتاقى جارنالارىنىڭ كٶلەمٸ 88,8 ملرد تەڭگەنٸ قۇرادى», - دەدٸ ۇب تٶراعاسى.
ونىڭ اتاپ ٶتۋٸنشە, 2021 جىلعى قاڭتاردا ينفلياتسييا 0,6 پايىز بولعان كەزدە 1,4 پايىز مٶلشەرٸندەگٸ كٸرٸستٸلٸك قامتاماسىز ەتٸلدٸ.
سوڭعى 12 ايدا زەينەتاقى اكتيۆتەرٸنٸڭ كٸرٸستٸلٸگٸ ينفلياتسييا دەڭگەيٸ 7,4 پايىز بولعان كەزدە 12,1 پايىزدى قۇرادى.
«ناقتى كٸرٸستٸلٸك ينۆەستيتسييالىق قىزمەت, سونداي-اق ۆاليۋتا پورتفەلٸن نارىقتىق جەنە باعامدىق قايتا باعالاۋ نەتيجەسٸندە قامتاماسىز ەتٸلدٸ. ونىڭ ٷلەسٸ ەلدەر مەن ەميتەنتتەر بويىنشا ينۆەستيتسييالار گەوگرافيياسىن كەڭەيتۋ, پورتفەلدٸڭ ساپاسى مەن ٶتٸمدٸلٸگٸن ارتتىرۋ ٷشٸن كەزەڭ-كەزەڭٸمەن ۇلعايتىلىپ, 30 پايىز دەڭگەيٸندە ساقتالۋدا. قاراجاتتى مەرزٸمٸنەن بۇرىن الۋ بويىنشا سالىمشىلار الدىنداعى مٸندەتتەمەلەردٸ ۋاقتىلى ورىنداۋ ماقساتىندا ۇلتتىق بانك زەينەتاقى اكتيۆتەرٸ پورتفەلٸنٸڭ اعىمداعى ٶتٸمدٸلٸگٸن قولداۋدا. ونىڭ دەڭگەيٸ بيىلعى جىلعى 1 اقپاندا 446,8 ملرد تەڭگە بولدى», - دەدٸ ەربولات دوساەۆ.
