قازاقستاندىقتاردىڭ ورتاشا وتباسىلىق تابىسى 421,5 مىڭ تەڭگەگە جەتتٸ. بۇل تۋرالى "ۇلت اقپارات" Finprom.kz سٸلتەمە جاساپ حابارلايدى.
«2019 جىلعى ەكٸنشٸ توقساننىڭ قورىتىندىسى بويىنشا, ٷي شارۋاشىلىقتارىنىڭ اقشالاي تابىسى 579 مىڭ تەڭگەنٸ قۇراپ, ٶتكەن جىلدىڭ سەيكەس كەزەڭٸمەن سالىستىرعاندا 10,7%-عا ارتتى. وتباسىلىق كٸرٸستەر ٶسۋٸنٸڭ نەگٸزگٸ كٶزٸ ەڭبەك قىزمەتٸنەن تٷسەتٸن تابىستاردىڭ ورتاشا ەسەپپەن 7,6 پايىزعا ارتۋىمەن بايلانىستى. ەكٸنشٸ توقسان سوڭىنداعى دەرەكتەر بويىنشا ەربٸر وتباسى ەڭبەك قىزمەتٸمەن ورتا ەسەپپەن 421,5 مىڭ تەڭگە تابادى», - دەپ جازادى Finprom.kz.
سايتتىڭ جازۋىنا قاراعاندا, ٷي ٸشٸ تابىسىنىڭ ەڭ ٷلكەن سوماسى ماڭعىستاۋ وبلىسىندا تٸركەلگەن (852,2 مىڭ تەڭگە). وتباسىلارى ورتا ەسەپپەن 741,2 مىڭ تەڭگە تاباتىن نۇر-سۇلتان قالاسى ەكٸنشٸ ورىندا تۇرسا, 673,2 مىڭ تەڭگەلٸك كٶرسەتكٸشپەن قىزىلوردا وبلىسى ٷزدٸك ٷشتٸكتٸ تٷيٸندەپ تۇر.
ەلدٸڭ 7 ٶڭٸرٸندە وتباسىلىق تابىس مٶلشەرٸ 421,5 مىڭ تەڭگە كٶلەمٸندەگٸ رەسپۋبليكالىق ورتاشا كٶرسەتكٸشتەن جوعارى بولعان.
Finprom.kz. مەلٸمەتٸ بويىنشا, قازاقستاندىق وتباسىلاردىڭ شىعىنى تابىسىنان اسىپ تٷسكەن. ەكٸنشٸ توقسان قورىتىندىسى بويىنشا, بٸر وتباسىنىڭ وراتاشا شىعىنى 543,3 مىڭ تەڭگە بولىپ وتىر.
شىعىن كٶلەمٸ بويىنشا الماتى قالاسى (680,8 مىڭ تەڭگە), اتىراۋ (638,8 مىڭ تەڭگە) جەنە قاراعاندى وبلىستارى (630,8 مىڭ تەڭگە) العاشقى ٷشتٸكتە تۇر. ٶڭٸرلەر اراسىندا بەرٸنەن دە پاۆلودار وبلىسىنداعى وتباسىلاردىڭ شىعىنى قاتتى ارتقان (15,8 پايىز).
«بۇل شىعىنداردىڭ 62,7 پايىزى تۇتىنۋ شىعىندارىمەن بايلانىستى. ەكٸنشٸ توقساندا ورتاشا وتباسىلىق شىعىن 543,3 مىڭ تەڭگە دەپ ەسەپتەگەندە, ونىڭ 504 مىڭ تەڭگەسٸ تۇتىنۋ شىعىندارىنا, 24,9 مىڭ تەڭگەسٸ نەسيە مەن قارىزداردى جابۋعا, 13,8 مىڭ تەڭگەسٸ اليمەنت تٶلەۋ سيياقتى تۋىسقاندىق كٶمەككە, 693 تەڭگەسٸ سالىق ٶتەۋگە جۇمسالعان», - دەلٸنگەن مەلٸمەتتە.
