حالىق اراسىندا جٷرگٸزٸلگەن ەلەۋمەتتٸك ساۋالناماعا سەنسەك, وتانداستارىمىزدىڭ 76,4 پايىزى مەملەكەت باسشىسىنىڭ رەفەرەندۋم ٶتكٸزۋ تۋرالى يدەياسىن قولدايدى. بۇل تۋرالى قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتىنىڭ ديرەكتورى ەركٸن تۇقىموۆ مەلٸم ەتتٸ, دەپ حابارلايدى قازاقپارات.
«اراعا 22 جىل سالىپ جالپىحالىقتىق رەفەرەندۋم ٶتكەلٸ وتىر. ەل ٷشٸن ماڭىزدى دەگەن جايتتار بويىنشا كونستيتۋتسيياعا ٶزگەرٸستەر ەنگٸزۋ ٷشٸن داۋىس بەرۋٸمٸز كەرەك. جاڭا قازاقستاندى قۇرۋ جولىندا اتالعان شارانىڭ ماڭىزى زور. وسى ورايدا بٸزدٸ قوعامنىڭ رەفرەندۋم ٶتكٸزۋگە قاتىستى نە ويلايتىنى قىزىقتىرادى. قازاقستاندىقتار كونستيتۋتسيياعا ەنگٸزٸلگەلٸ وتىرعان ٶزگەرٸستەردٸ قولداي ما? قولداسا قانداي دەڭگەيدە دەگەن سەكٸلدٸ. وسى ورايدا مەملەكەت باسشىسى رەفەرەندۋم ٶتەدٸ دەپ جارييالاعان كٷننەن باستاپ بٸزدٸڭ ينستيتۋت جۇمىسقا كٸرٸسٸپ كەتتٸ», - دەدٸ ەركٸن تۇقىموۆ ورتالىق كوممۋنيكاتسييالار قىزمەتٸ الاڭىندا ساراپشىلاردىڭ قاتىسۋىمەن ٶتكەن دٶڭگەلەك ٷستەلدە.
ينستيتۋت باسشىسىنىڭ ايتۋىنشا, 9-12 مامىر ارالىعىندا حالىق اراسىندا تەلەفون ارقىلى ساۋالناما جٷرگٸزٸلگەن.
«ەلەۋمەتتٸك ساۋالناماعا بارلىق ٶڭٸردەن 1200 رەسپوندەنت قاتىستى. ونىڭ نەتيجەسٸندە قازاقستاندىقتاردىڭ 66,4 پايىزى رەفەرەندۋمعا قاتىسادى. وسى تۇستا ايتا كەتسەك, زاڭعا سەيكەس حالىقتىڭ 50 پايىزدان استامى قاتىسقان جاعدايدا رەفەرەندۋم ٶتكەن بولىپ ەسەپتەلەدٸ. جالپى اتالعان ساۋالنامانىڭ نەتيجەسٸنە سەيكەس, قازاقستاندىقتاردىڭ 70 پايىزى رەفەرەندۋم ٶتەتٸنٸنەن حاباردار. سونداي-اق, بٸزدٸڭ ينستيتۋت جٷرگٸزگەن زەرتتەۋدٸڭ نەتيجەسٸ بويىنشا پرەزيدەنتتٸڭ رەفەرەندۋم ٶتكٸزۋ تۋرالى باستاماسىن وتانداستارىمىزدىڭ 76,4 پايىزى قولداپ وتىر. ياعني, قازاقستاندىقتاردىڭ دەنٸ رەفەرەندۋم ٶتكٸزٸپ, كونستيتۋتسيياعا تيٸستٸ ٶزگەرٸستەردٸ ەنگٸزۋدٸڭ ماڭىزدى ەكەنٸن تٷسٸنەدٸ», - دەيدٸ ول.
سپيكەر ۇسىنعان ستاتيستيكاعا سەيكەس, رەفەرەندۋم ٶتكٸزۋ يدەياسىن قازاقستاندىقتاردىڭ 15,4 پايىزى قولدامايدى. سونىمەن قاتار ساۋالناماعا قاتىسقان ازاماتتاردىڭ 8 پايىزى ەزٸرگە ناقتى شەشٸم قابىلداماعان.
