قازاقستاندىقتار جىل باسىنان بەرٸ دٷكەن مەن بازارلارعا قانشا اقشا شىعىندادى

2019 جىلدىڭ قاڭتار-قاراشا ايلارىنداعى بٶلشەك ساۋدا كٶلەمٸ 10 ملرد تەڭگەگە جەتتٸ.

بۇل ٶتكەن جىلدىڭ وسى كەزەڭٸمەن سالىستىرعاندا 12,5%-عا ارتىق. ال ناقتى كٶلەم يندەكسٸ 105,6%-دى قۇراعان (بٸر جىل بۇرىن – 106,4% بولدى), دەپ حابارلايدى ranking.kz.

بٶلشەك ساۋدانىڭ مەنشٸكتٸ سالماعى 30,7%-دى قۇرادى (بٸر جىل بۇرىن 31% بولعان).

بٶلشەك ساۋدا كٶلەم بويىنشا 2017 جىلدىڭ جەلتوقسانىندا العاش رەت تريلليون تەڭگەگە جەتكەن بولاتىن, سودان كەيٸن 2018-دٸڭ جەلتوقسانىندا, ال 2019 جىلى تريلليون تەڭگە ٷش رەت ەڭسەرٸلدٸ – شٸلدە, تامىز جەنە قىركٷيەك ايلارىندا, سونىمەن قاتار تامىز ايىندا جالپى كٶلەم 1,1 ترلن تەڭگەگە جەتتٸ.

بٶلشەك ساۋدا كٶلەم بويىنشا بيىلعى جەلتوقساندا دا تريلليون تەڭگەگە جەتەدٸ, ٶيتكەنٸ جەلتوقساندا جىل ٸشٸندەگٸ ەڭ جوعارعى كٶرسەتكٸش بايقالادى.

قر ايماقتارى بويىنشا 2019 جىلدىڭ قاڭتار-جەلتوقسان ايلارىنداعى بٶلشەك ساۋدانىڭ ەڭ ٷلكەن كٶلەمٸ الماتى – 3,1 ترلن تەڭگە (فكي – 112%) جەنە نۇر-سۇلتان قالاسىنا - 1,1 ترلن تگ (فكي – 104,6%) تيەسٸلٸ. قازاقستانداعى بارلىق رەسمي بٶلشەك ساۋدا ورىندارىنىڭ 42,7% وسى ەكٸ قالانىڭ ەنشٸسٸندە. ودان كەيٸنگٸ ورىنداردا قاراعاندى وبلىسى تۇر.

ساۋدا كٶلەمٸنٸڭ ٶسۋٸ قازاقستاننىڭ بارلىق ايماقتارىندا بايقالعان, ەڭ تٶمەنگٸ كٶرسەتكٸشتەر ەلدٸڭ باتىسىندا: اتىراۋ وبلىسى (فكي – 100,3%), باتىس قازاقستان وبلىسى (فكي - 100,4%), ماڭعىستاۋ (فكي - 100,4%), سونىمەن قاتار اقتٶبە وبلىسىندا (فكي - 100,7%).

بٶلشەك ساۋدانىڭ ەكٸدەن ٷش بٶلٸگٸ, ياعني 6,7 ترلن تگ ازىق-تٷلٸك تاۋارلارىنا جاتپايدى, جىلدىق ٶسٸمٸ - 11,6%, ال قالعان 3,3 ترلن تگ ازىق-تٷلٸك ٶنٸمدەرٸ, جىلدىق ٶسٸمٸ - 14,4%.