بيىل كٷزدەن باستاپ, قازاقستاندىقتار جولداردىڭ ساپاسىن موبيلدٸ قوسىمشا ارقىلى باعالاي الادى, دەپ حابارلايدى قازاقپارات.
«بٸز ەلٸمٸزدەگٸ جولداردىڭ ساپاسىن وبەكتيۆتٸ تٷردە باعالاۋعا بولاتىن «ساپالى جول» اتتى جوبالىق كەڭسە اشتىق. بۇل جوباعا قوعامنىڭ ەربٸر بەلسەندٸ ازاماتى قاتىسا الادى. وسى ارقىلى ازاماتتىق قوعاممەن بٸرلەسە وتىرىپ, جولداردىڭ ساپاسىن قاداعالاۋمەن قاتار وندا ورىن الۋى مٷمكٸن سىبايلىق جەمقورلىقتىڭ الدىن العىمىز كەلەدٸ. ياعني ەندٸگٸ ۋاقىتتا قازاقستاندىقتار جولدىڭ ساپاسىنا ٶز باعالارىن بەرە الادى. ونىڭ ٸشٸندە ٶڭٸرلٸك جولدارمەن قوسا, رەسپۋبليكالىق ماڭىزى بار جولدار دا بار», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ پاراساتتىلىق دەپارتامەنتٸنٸڭ ديرەكتورى دانييار سابىرباەۆ اگەنتتٸكتە ٶتكەن باسپاسٶز مەسليحاتىندا.
دەپارتامەنت باسشىسىنىڭ سٶزٸنە سەنسەك, بٷگٸندە جولدىڭ ساپاسىن قاداعالاپ, باعالايتىن موبيلدٸ قوسىمشا ەزٸرلەنٸپ, تەستٸلەۋدەن ٶتكٸزٸلۋدە.
«الداعى قىركٷيەك ايىنان باستاپ, ەربٸر تۇرعىن جولدا كەلە جاتىپ ونىڭ ساپاسىنا ٶزٸندٸك باعاسىن بەرە الادى. بارلىق ۇيالى تەلەفوندا اكسەلەراتور بار, ول سٸزدٸڭ جٷرگەن قادامىڭىزدى ەسەپتەيدٸ. سول سيياقتى بٸزدٸڭ قوسىمشا دا ارنايى جولدىڭ ساپاسىن انىقتايتىن ارنايى داتچيك بار. سٸز جولعا شىققاندا سمارتفوندى كٶلٸكتٸڭ پانەلٸنە قوياسىز. ەگەر جول جاقسى بولسا, تەلەفونىڭىز قوزعالمايدى. ال جول تەگٸس ەمەس نەمەسە شۇڭقىر بولسا تيٸسٸنشە ۆيبراتسييا بەرەدٸ. تاسجول قانشالىقتى شۇڭقىرعا تولى بولسا, تيٸسٸنشە ۆيبراتسييا دا جيٸ بولادى. جولاۋشىلاردىڭ بەرگەن باعاسى سول سەتتە publicbudget.kz سايتىنداعى دەرەكتەر قورىنا جٸبەرٸلەدٸ», - دەدٸ ول.
ونىڭ ايتۋىنشا, ٶز كەزەگٸندە جولدىڭ ساپاسىن باعالاۋ جوباسىن «قازاۆتوجول» ۇلتتىق كومپانيياسى قولداپ وتىر.
