شەكاراداعى كەپتەلٸس سالدارىنان رەسەيدەن شىققان قازاقتار ٷيلەرٸنە قايتا الماي جاتىر, - دەپ حابارلايدى Tengrinews.kz تٸلشٸسٸ "موي گورود" باسىلىمىنا سٸلتەمە جاساپ.
رەسەي فەدەراتسيياسىندا موبيليزاتسييا باستالعاننان كەيٸن شەكارادا كەزەك كٶبەيگەن. مىڭداعان رەسەيلٸكتەر ەلدەن كەتٸپ جاتىر. ولاردىڭ كٶپشٸلٸگٸ باتىس قازاقستان وبلىسىنداعى شەكارا بەكەتٸنە كەلگەن. ورال قالاسىنىڭ تۇرعىنى الەكساندر وتباسىمەن شەكارادا تٶرتٸنشٸ كٷن تۇرعانىن ايتادى.
"24 قىركٷيەكتە "ماشتاكوۆو" ٶتكٸزۋ بەكەتٸندە كەزەككە تۇردىق. ەكٸ كٷننەن بەرٸ كەزەك قوزعالمايدى. تەك جٷك كٶلٸكتەرٸ جٷرەدٸ. قازاقستاندىقتاردىڭ بارلىعى ەلگە كٸرە الماي وتىر. بٸز كٶپپٸز. بارلىعىمىز جينالىپ, قالاعا باردىق. شەكاراشىلار مەسەلەنٸ شەشٸپ جاتقان جوق", - دەپ شاعىمدانادى ورال تۇرعىنى.
الەكساندردىڭ ايتۋىنشا, قيىندىق تۋعىزىپ جاتقان تاكسي جٷرگٸزۋشٸلەرٸ. ولار ادامداردى شەكارادان ٶتكٸزٸپ, ساپتىڭ سوڭىنا ەمەس, قاي جەردەن كەتكەن بولسا, سول جەرگە قايتادى. ال ولاردىڭ ورنىن ەرٸپتەستەرٸ "كەزەك ۇستاپ" وتىر. الەكساندر تاكسي جٷرگٸزۋشٸلەرٸ شەكارادان ٶتكەنٸ ٷشٸن بٸر ادامنان 6-7 مىڭ رۋبل (شامامەن 57 مىڭ تەڭگە) الاتىنىن ايتادى.
سونداي-اق, كەزەكتە تۇرعان قازاقستاندىقتاردىڭ ازىعى تاۋسىلۋعا تاياعانىن, جەرگٸلٸكتٸ كەسٸپكەرلەر دە تاۋار باعاسىن بٸرنەشە ەسە قىمباتتاتقانىن ايتىپ شاعىمداندى.
