قازاقستان حالقى ٶزدەرٸنٸڭ ەلەۋمەتتٸك جاعدايىنا قانشالىقتى قاناعاتتانادى? قاي ٶڭٸر تۇرعىندارى ازىق-تٷلٸك پەن باسقا تاۋارلاردىڭ باعاسىنا قاناعاتتانبايدى? وسى جەنە ٶزگە دە ەلەۋمەتتٸك ساۋالدار نەتيجەسٸ جٶنٸندە قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتى ەلەۋمەتتٸك زەرتتەۋلەر بٶلٸمٸنٸڭ باسشىسى جاننا كەرٸموۆا مەلٸم ەتتٸ, دەپ حابارلايدى قازاقپارات.
«ەلەۋمەتتٸك زەرتتەۋ مونيتورينگٸنە قاتىسقان 6800 رەسپوندەنتتٸڭ 60,4 پايىزى قالا تۇرعىندارى, قالعان 39,6 پايىزى اۋىل تۇرعىندارى. ونداعى ەيەلدەردٸڭ ٷلەسٸ – 44,6 پايىز, ال ەرلەردٸڭ ٷلەسٸ – 55,4 پايىز.
رەسپوندەنتتەردٸڭ 65,5 پايىزى تاۋارلار مەن ازىق-تٷلٸكتٸڭ باعاسىنا, 53,2 پايىزى تۇراتىن جەرٸنٸڭ ەكولوگييالىق احۋالىنا, 51,7 پايىزى جولدىڭ ساپاسىنا, 45,6 پايىزى مەديتسينا ساپاسىنا, 44,7 پايىزى جەكە تابىس كٶلەمٸنە, 39,9 پايىزى قوعامدىق كٶلٸك قىزمەتٸنە, 38,7 پايىزى بٸلٸم بەرۋگە جەنە 34 پايىزى ٶز جۇمىسىنا قاناعاتتانارلىقسىز دەگەن باعا بەردٸ», - دەدٸ جاننا كەرٸموۆا ەلەۋمەتتٸك مونيتورينگ نەتيجەسٸن تانىستىرا وتىرىپ.
ونىڭ ايتۋىنشا, حالىقتىڭ ويىن بٸلۋ شاراسى 2 باعىتتا جٷرگٸزٸلدٸ. بٸرٸ ازاماتتاردان جەكە سۇحبات الۋ ارقىلى, ەكٸنشٸ جولى كٶشەگە شىعىپ حالىقتىڭ پٸكٸرٸن سۇراۋ جولىمەن.
«ەلدەگٸ سوڭعى 9 اي ٸشٸندەگٸ ەلەۋمەتتٸك ٶزگەرٸستەرگە زەر سالاتىن بولساق. بارلىق پوزيتسييالار بويىنشا قاناعاتتانباۋشىلىقتىڭ ارتقانى بايقالادى. 2021 جىلدىڭ ماۋسىم ايىمەن سالىستىرعاندا باعانىڭ ٶسۋٸنە قاناعاتتانباۋ كٶرسەتكٸشٸ 4,4 پايىزعا, مەديتسينالىق قىزمەت ساپاسىنا قاناعاتتانباۋشىلىق 7, 5 پايىزعا, ەكولوگييالىق احۋالعا قاناعاتتانباۋ 13,1 پايىزعا ارتقان. مونيتورينگ نەتيجەسٸندە ازىق-تٷلٸك جەنە تاۋارلاردىڭ باعاسىنا ەسٸرەسە بقو (86,6%), اقمولا وبلىسى (81,8%) جەنە اتىراۋ وبلىسىنىڭ (78,9%) جۇرتى الاڭداتۋشىلىق تانىتتى», - دەيدٸ ول.
