قازاقستاندىقتار بۇدان بىلاي تانىمال مەسسەندجەرلەر ارقىلى بٸرقاتار قاجەتتٸ انىقتاما الا الادى. بۇل تۋرالى «ۇلتتىق اقپاراتتىق تەحنولوگييالار» اق باسقارما تٶراعاسى ەسەت تۇرىسوۆ مەلٸم ەتتٸ, دەپ حابارلايدى قازاقپارات تٸلشٸسٸ.
«كٶرٸپ وتىرعانىمىزداي, ەلەۋمەتتٸك جەلٸلەر كٷندەلٸكتٸ ٶمٸرٸمٸزدٸڭ بٸر بٶلٸگٸنە اينالىپ كەتتٸ. مٸنە, وسى جايدى ەسكەرە وتىرىپ, مەملەكەتتٸك قىزمەت الۋدىڭ قوسىمشا ىڭعايلى سەرۆيستەرٸن ٸسكە قوسۋدى جٶن دەپ شەشتٸك. قىركٷيەكتە سىناق تٷرٸندە چات-بوتتاردى ٸسكە قوسقان ەدٸك. قازٸر پايدالانۋشىلاردىڭ كٷننەن-كٷنگە ارتىپ كەلە جاتقانىن باقىلاپ وتىرمىز. بٷگٸنگٸ كٷنٸ Telegram-بوت ارقىلى 20 مەملەكەتتٸك قىزمەتتٸ الۋعا بولادى. سول سەكٸلدٸ, «ۆكونتاكتە» ارقىلى 19, «Facebook» ارقىلى 15 مەملەكەتتٸك قىزمەتتٸڭ تٷرٸ قولجەتٸمدٸ. جازىلعان پٸكٸرلەردٸ ەسكەرە وتىرىپ, قىزمەت تٷرٸن ارتتىرعان ابزال دەپ وتىرمىز», - دەدٸ ەسەت تۇرىسوۆ ەلورداداعى «تسيفرلىق كٷزدٸڭ» تانىستىرىلۋىندا.
وسىدان كەيٸن ە.تۇرىسوۆ چات-بوتتاردىڭ قالاي جۇمىس ٸستەيتٸنٸن تٷسٸندٸرٸپ بەردٸ.
ايتۋىنشا, الدىمەن ەلەۋمەتتٸك جەلٸنٸ پايدالانۋشى تيٸستٸ حابارلامانى جٸبەرەدٸ. ال اقىلدى جٷيە ادامداردىڭ قاتىسۋىنسىز وپەراتورلارعا كەلگەن قىزمەتتەردٸ تەڭ بٶلٸپ بەرەدٸ. ياعني, تيٸستٸ نٶمٸر الىپ, اتقارۋشى اۆتوماتتى تٷردە تاعايىندالادى. مۇنداي جٷيە جۇمىس بارىسىن تيٸمدٸ باسقارۋعا مٷمكٸندٸك بەرەدٸ. پايدالانۋشىعا سۇراۋىن ورىنداۋشىلاردىڭ اتى-جٶنٸ مەن بايلانىس نٶمٸرٸ تۋرالى حابارلاما تٷسەدٸ. وسىلايشا, پايدالانۋشى ۆيرتۋالدى كەڭەسشٸمەن سٶيلەسە وتىرىپ, بەلگٸلٸ بٸر مەملەكەتتٸك قىزمەتتٸ الا الادى.
ەسكە سالا كەتسەك, بٷگٸنگٸ «تسيفرلىق كٷزدە» قر تسيفرلىق دامۋ, يننوۆاتسييالار جەنە اەروعارىش ٶندٸرٸسٸ مينيسترٸ اسقار جۇماعاليەۆ eGov-تىڭ جاڭارتىلعان موبيلدٸ قوسىمشاسى ٸسكە قوسىلاتىنىن مەلٸم ەتكەن ەدٸ.
سونىمەن بٸرگە, «ازاماتتارعا ارنالعان ٷكٸمەت» مەملەكەتتٸك كورپوراتسييا باسقارماسىنىڭ تٶراعاسى ەسەمگٷل بالتاشەۆا مەكەنجاي انىقتاماسىنان بٶلەك تاعى 28 انىقتامانىڭ دا جويىلاتىنىن جارييالادى.
