قر پرەمەر-مينيسترٸنٸڭ ورىنباسارى جەڭٸس قاسىمبەك قازاقستاندىقتار مەن شەتەلدٸكتەردٸڭ جالاقىسىن تەڭەستٸرۋ جۇمىستارى جٶنٸندە ايتىپ بەردٸ, دەپ حابارلايدى قازاقپارات.
«جازدا دەل وسى مەسەلە جيٸ كٶتەرٸلدٸ. ونىڭ باستى سەبەبٸ – جەرگٸلٸكتٸ بٸلٸكتٸ مامانداردىڭ جەتٸسپەۋشٸلٸگٸ. سوندىقتان قازاقستان مەن قىتايدىڭ بٸرلەسكەن 55 جوباسى بويىنشا ىنتىماقتاستىق اياسىندا ينۆەستورلار وسى كەسٸپورىنداردىڭ بولاشاق قىزمەتكەرلەرٸن وقىتۋعا مٸندەتتەلگەن. مەسەلەن, اقتوعاي – شىعىس قازاقستانداعى ٸرٸ تاۋ-كەن كەسٸپورنى مىس كەنٸن قازىپ, كونتسەنترات شىعارادى. ۆاحتالىق ەدٸسپەن جۇمىس ٸستەيدٸ. بۇل كەسٸپورىندى تۇرعىزۋدا قازاقستاندىقتاردىڭ بەرٸ وقىتۋدان ٶتتٸ. بوزشاكٶلدە دە وسى ۇستانىم بولدى. شىنىندا دا, مەسەلە ٶتە ٶزەكتٸ. پرەزيدەنت ٷكٸمەتكە تاپسىرما بەردٸ, ونىمەن قازٸر ٷكٸمەت پەن ەڭبەك مينيسترلٸگٸ اينالىسىپ جاتىر», - دەدٸ ج. قاسىمبەك.
ونىڭ ايتۋىنشا, ەڭ الدىمەن قازاقستاندىق جۇمىسشىلاردىڭ بٸلٸكتٸلٸگٸن كٶتەرۋ قاجەت.
«ەكٸنشٸدەن, قاعيدالار ساقتالۋى تيٸس, ەگەر قازاقستان ازاماتى شەتەلدٸكپەن بٸردەي جۇمىس اتقارسا, تٶلەماقى دا بٸردەي بولۋى كەرەك. بۇل مەسەلەمەن قۇقىق قورعاۋ ورگاندارى اينالىسىپ جاتىر», - دەدٸ جەڭٸس قاسىمبەك.
