بٸرٸنشٸ كرەديتتٸك بيۋرونىڭ FCBAnalytics تالداۋ ورتالىعى اۆتونەسيە نارىعىنا ارنالعان اقپاراتتىق تالداۋ جارييالادى, دەپ حابارلايدى قازاقپارات.
قازاقستاندا 2015 جىلدان باستاپ جەڭٸلدٸكپەن اۆتونەسيە بەرۋ باعدارلاماسى جۇمىس ٸستەيتٸنٸ بەلگٸلٸ. 6 جىلدا قازاقستاننىڭ دامۋ بانكٸ باعدارالاماعا 82 ملرد تەڭگە باعىتتاعان. بيىل بۇل ماقساتقا 20 ملرد تەڭگە بٶلٸنٸپ وتىر.
«قازاقستان دامۋ بانكٸنٸڭ دەرەكتەرٸ بويىنشا 2015 جىلدىڭ كٶكتەمٸنەن باستاپ 2021 جىلدىڭ سەۋٸر ايىنىڭ سوڭىنا دەيٸن جالپى سوماسى 139,6 ملرد تەڭگەگە 27,5 مىڭعا جۋىق كرەديت بەرٸلگەن. بۇل وسى ۋاقىت ارالىعىندا بەرٸلگەن اۆتونەسيەلەردٸڭ جالپى سانىنىڭ 10,2% جەنە جالپى سوماسىنىڭ 12,9% قۇرايدى», - دەپ جازىلعان اقپاراتتىق-تالدامادا.
FCBAnalytics مەلٸمەتٸنە سەنسەك, قازاقستاندا اۆتونەسيەگە دەگەن سۇرانىس ٶسٸپ كەلەدٸ. 2021 جىلعى قاڭتار-سەۋٸر ارالىعىندا بەرٸلگەن قارىزدار سانى ٶتكەن جىلدىڭ ۇقساس كەزەڭٸمەن سالىستىرعاندا 24,3% جوعارى بولعان. 4 ايدا جالپى سوماسى 132,7 ملرد تەڭگەگە 27 588 اۆتونەسيە بەرٸلگەن.
«بۇل, ٶز كەزەگٸندە, پورتفەلدٸڭ ٶسۋٸنە الىپ كەلدٸ. قازاقستاندىقتار قولدا بار نەسيەلەردٸ ٶتەگەننەن گٶرٸ جاڭا اۆتونەسيە الۋعا قۇمار. اۆتونەسيەلەۋ پورتفەلٸنٸڭ جالپى كٶلەمٸ 12 ايدا 36,5% ارتىپ, 818,1 ملرد تەڭگەگە جەتتٸ. ەڭ جوعارى ٶسۋ قارقىنى – وڭتٷستٸك ٶڭٸرلەردە, ەڭ تٶمەنٸ-رەسپۋبليكانىڭ باتىسىندا», -دەيدٸ FCBAnalytics ساراپشىلارى.
اۆتونەسيەگە دەگەن سۇرانىسپەن بٸرگە مەرزٸمٸ ٶتكەن بورىشتىڭ سانى دا قاتار ٶسٸپ وتىر. 2021 جىلعى 1 مامىرداعى جاعداي بويىنشا, مەرزٸمٸ ٶتكەن قارىزدار كٶلەمٸ 74,2 ملرد تەڭگەگە (9,1%), ونىڭ ٸشٸندە 90 جەنە ودان دا كٶپ كٷن مەرزٸمٸ ٶتكەن قارىزدار – 44,1 ملرد تەڭگەگە (5,4%) جەتكەن.
FCBAnalytics اتلداۋىندا ايتىلعانداي, بانكتەر ٷشٸن اۆتونەسيە ەلٸ دە بولسا اسا تابىستى ٶنٸم بولىپ سانالماي وتىر. وسىنىڭ سالدارىنان ەلدەگٸ اۆتوپارك ايتارلىقتاي ەسكٸ كٷيٸندە قالىپ وتىر.
ۇلتتىق ستاتيستيكا بيۋروسىنىڭ دەرەكتەرٸ بويىنشا, رەسپۋبليكادا تٸركەلگەن جەڭٸل اۆتوموبيلدەردٸڭ 64,3%-ىنا 10 جىلدان اسقان.
«4 ايدىڭ قورىتىندىسى بويىنشا ەلدە شىعارىلعان جەڭٸل اۆتوموبيلدەردٸڭ كٶلەمٸ 8,5% ٶستٸ. دەگەنمەن, قازاقستان دەستٷرلٸ تٷردە اۆتوموبيلدەردٸڭ تازا نەتتو-يمپورتتاۋشىسى بولىپ وتىر. 2021 جىلدىڭ I توقسانىنىڭ قورىتىندىسى بويىنشا كٶلٸك ەكسپورتىنان تٷسكەن ەربٸر دوللارعا يمپورتقا جۇمسالعان 18 دوللار كەلگەن», - دەپ جازىلعان تالداۋدا.
