قازاقستاندىقتار قاتەرلٸ ٸسٸك بويىنشا تەكسەرۋدەن قالاي ٶتە الادى? تٸلشٸلەردٸڭ بۇل سۇراعىنا دەنساۋلىق ساقتاۋ مينيسترٸ ەلجان بٸرتانوۆ جاۋاپ بەردٸ, دەپ حابارلايدى "ۇلت اقپارات".
«سكرينينگتٸڭ بۇيرىقپەن بەكٸتٸلگەن تەگٸن ٷش تٷرٸ بار. جالپى, كٷدٸك-كٷمەن تۋعان جاعدايداعى تەگٸن قىزمەتتٸڭ سپەكترٸن كٶبەيتتٸك. ياعني, وسى جىلدان باستاپ, كومپيۋتەرلٸك توموگرافييا – مرت-نى ەنگٸزدٸك. بۇرىن ول اقىلى ەدٸ. بيىلدان – قىركٷيەكتەن باستاپ قارجىلاندىرۋدى ارتتىرىپ, وبىرعا قاتىستى كٷدٸك-كٷمەن تۋعان جاعدايدا تەگٸن تەكسەرٸستەن ٶتۋگە بولادى. الايدا سٷت بەزٸ قاتەرلٸ ٸسٸگٸ, كولورەكتالدى ٸسٸك, جاتىر موينى ٸسٸگٸن انىقتاپ بەرەتٸن سكرينينگتٸڭ ناقتىلىعى دەلەلدەنگەن ٷش تٷرٸ بار», - دەدٸ ەلجان بٸرتانوۆ ەلوردادا ٶتٸپ جاتقان ونكولوگيياداعى دٷنيەجٷزٸلٸك كٶشباسشىلار سامميتٸندە تٸلشٸلەردٸڭ سۇراعىنا جاۋاپ بەرە وتىرىپ.
ەيتسە دە, مينيستر بەرٸ تەگٸن بولۋى كەرەك دەگەن پٸكٸردٸ قۇپتامايتىنىن بٸلدٸردٸ.
«ەگەر مەسەلە سٸزدٸڭ ٶمٸرٸڭٸزگە, دەنساۋلىعىڭىزعا, وتباسىڭىزعا تٸرەلٸپ تۇرسا, وندا, سكرينينگتەن اقىلى تٷردە ٶتۋدەن باس تارتپاۋ كەرەك. قازٸرگٸ تاڭدا تەحنولوگييا بۇعان مٷمكٸندٸك بەرٸپ وتىر. ۋاقىت ٶتە كەلە جاڭا تەحنولوگييالار ەنگٸزٸلەدٸ. مەسەلەن, الداعى ۋاقىتتا نارىققا ەنٸپ كەلە جاتقان مولەكۋليارلى-گەنەتيكالىق زەرتتەۋدٸ الايىق. ساراپشىلاردىڭ ايتۋىنشا, جاقىن ارادا ادامدار ٶز بويىنداعى تۇقىم قۋالايتىن دەرتتەردٸ كٶرە الاتىنداي جاعدايعا جەتەدٸ. بۇل زەرتتەۋلەر ەزٸرگە قىمبات. بٸراق, مەنٸڭ ويىمشا, قازاقستاندا الداعى 3-5 جىلدا ول تەحنولوگييالار قولجەتٸمدٸ بولادى. ەزٸرگە, مەن قازاقستاندىقتارعا ٶز دەنساۋلىعىن ويلاۋدى ۇسىنامىن. ٶيتكەنٸ, بۇل ەڭ الدىمەن سٸزدٸڭ وتباسىڭىزدىڭ اماندىعى. مەملەكەت ەردايىم تەگٸن مەديتسينالىق كٶمەكتٸڭ كٶلەمٸن ارتتىرۋعا تىرىساتىنى انىق. مەسەلەن, مەديتسينالىق ساقتاندىرۋ اياسىندا الداعى 3-4 جىلدا تەگٸن مەديتسينالىق كٶمەكتٸڭ كٶلەمٸن ەكٸ ەسە ارتتىرامىز», - دەدٸ ول.
مينيستردٸڭ ايتۋىنشا, الداعى جىلدارى قازاقستاندا وبىرمەن كٷرەسكە قاراجات بۇرىنعىدان كٶبٸرەك بٶلٸنەدٸ.
«الايدا ەر ادام دەنساۋلىعى تەك ٶزٸنە كەرەك ەكەنٸن ۇعۋى تيٸس. كەز كەلگەن كٸسٸ ٶز دەنساۋلىعىن ويلاۋى تيٸس. عىلىم كٶپ نەرسەنٸ دەلەلدەدٸ. قازٸر اقپاراتتاردىڭ كٶبٸ قولجەتٸمدٸ. دەنٸڭٸزدٸڭ ساۋلىعىن ساقتاۋ اينالىپ كەلگەندە ٷلكەن كٷش جۇمساۋدى قاجەت ەتپەيدٸ», - دەپ تٷيدٸ مينيستر.
ەسكە سالا كەتسەك, ەلوردادا ونكولوگيياداعى دٷنيەجٷزٸلٸك كٶشباسشىلار سامميتٸ ٶتٸپ جاتىر. فورۋمعا حالىقارالىق وبىرعا قارسى وداق (UICC) پرەزيدەنتٸ, جوعارى مەرتەبەلٸ حانشايىم دينا مايرەد قاتىسۋدا.
