2020 جىلدىڭ بٸرٸنشٸ توقسانىندا ەربٸر قازاقستاندىققا ورتاشا ەسەپپەن 21 كەلٸ ەتتەن اينالعان. بۇل – 2019 جىلدىڭ ۇقساس كەزەڭٸمەن سالىستىرعاندا 1,5 كەلٸگە ارتىق, دەپ حابارلايدى "ۇلت اقپارات".
قازاقستاننىڭ رەسپۋبليكالىق انگۋس پالاتاسى شارۋالاردىڭ ەلدەگٸ ەتكە دەگەن سۇرانىستى قاناعاتتاندىرۋعا دايىن ەكەنٸن حابارلايدى. پالاتا ۇسىنىپ وتىرعان ستاتيستيكاعا سٷيەنسەك, قازاقستاندا 2020 جىلدىڭ قاڭتار مەن مامىر ايلارىندا 681,2 مىڭ توننا قوي مەن قۇس ەتٸ ساتىلعان. بۇل – 2019 جىلدىڭ ۇقساس كەزەڭٸمەن سالىستىرعاندا 21,3 مىڭ تونناعا ارتىق. اگرارشىلار كارانتين ۋاقىتىندا دا, تج كەزٸندە دە ەلدٸڭ ازىق-تٷلٸك قاۋٸپسٸزدٸگٸن قامتاماسىز ەتۋ ٷشٸن بٸر سەتكە جۇمىستى توقتاتقان ەمەس.
«ەت جەنە ەت ٶنٸمدەرٸ - قازاقستاندىقتاردىڭ ازىق-تٷلٸك قورجىنىنداعى ماڭىزدى ينگرەديەنتتەردٸڭ بٸرٸ. ەڭ تٶمەنگٸ ازىق-تٷلٸك سەبەت قۇنىنىڭ 35%-ى ەت پەن بالىققا جۇمسالادى. قازاقستاندىق فەرمەرلەر ٸشكٸ سۇرانىستى تولىعىمەن قاناعاتتاندىرىپ قانا قويماي, سونىمەن قاتار ەكسپورتتىق نارىققا دا شىعۋعا دايىن. سالانىڭ ەكسپورتتىق ەلەۋەتٸن حالىقارالىق ساراپشىلار مويىنداپ وتىر: دٷنيەجٷزٸلٸك بانك مال شارۋاشىلىعىن تۇراقتى دامىتۋ باعدارلاماسىن بەسەكەگە قابٸلەتتٸ سيىر ەتٸن ٶندٸرۋدٸ قولداۋ ٷشٸن قازاقستاندا جٷزەگە اسىرعالى وتىر», - دەلٸنگەن حابارلامادا.
قازاقستاننىڭ رەسپۋبليكالىق انگۋس پالاتاسىنىڭ ديرەكتورى دەۋرەن سالىقوۆتىڭ ايتۋىنشا, دٷنيەجٷزٸلٸك بانكتٸڭ بۇل باعدارلاماسى ەت ٶندٸرٸسٸن ارتتىرىپ قانا قويماي, حالىقتى جۇمىسپەن قامتۋدا ٷلكەن رٶل اتقارادى.
«قازاقستانداعى مال شارۋاشىلىعى تۇراقتى ەكونوميكالىق ٶسٸمگە ىقپال ەتەدٸ. بٷگٸندە ەلٸمٸزدە 20 مىڭ وتباسىلىق شارۋاشىلىق بار. ٸرٸ بورداقىلاۋ الاڭدارىمەن ىنتىماقتاستىق ارقىلى اۋىل شارۋاشىلىعى مينيسترلٸگٸ 10 جىل ٸشٸندە ونىڭ سانىن 100 مىڭعا دەيٸن ارتتىرۋعا نيەتتٸ. مال شارۋاشىلىعىمەن اينالىساتىندار سانى دا 100-دەن 600 مىڭعا دەيٸن ٶسۋٸ كەرەك», - دەيدٸ پالاتا باسشىسى.
پالاتانىڭ مەلٸمەتٸنشە, سيىر ەتٸنٸڭ ٶندٸرٸسٸ جىلىنا ەكٸ ەسە – 1 ملن 100 مىڭ تونناعا دەيٸن ارتۋى كەرەك. ال ەكسپورت جىل سايىن 2,4 ملرد اقش دوللارىن ەكەلۋٸ تيٸس.
