قازاقستاندا ٶتكەن جىلى تىنىس الۋ ورگاندارىنىڭ اۋرۋلارىنان 21 مىڭعا جۋىق ادام قايتىس بولدى, ولاردىڭ 195-ٸ - 1 جاسقا دەيٸنگٸ نەرەستە, دەپ حابارلايدى قازاقپارات energyprom.kz سايتىنا سٸلتەمە جاساپ.
2021 جىلى انىقتالماعان جوعارعى تىنىس الۋ جولدارىنىڭ جەدەل ينفەكتسيياسى - ەڭ كٶپ تٸركەلگەن اۋرۋ تٷرٸ بولدى. بۇل دياگنوز 1,2 ميلليون ادامعا قويىلعان. ودان كەيٸن COVID-19: 870,8 مىڭ ادام جۇقتىرعان, ولاردىڭ 832,8 مىڭى – يدەنتيفيكاتسييالانعان ۆيرۋس.
سونىمەن قاتار, جەلشەشەك (16,4 مىڭ ادام زارداپ شەكتٸ) پەن جٸتٸ ٸشەك ينفەكتسييالارىنىڭ توبىنا جاتاتىن سىرقات (8,9 مىڭ ادام) تٷرلەرٸ كٷرت ارتتى. ودان بٶلەك, 3,5 مىڭ ادامدا ايتۆ ينفەكتسيياسى (ادامنىڭ يممۋن تاپشىلىعىنىڭ ۆيرۋسى), 4,6 مىڭ ادامدا سوزىلمالى ۆيرۋستىق گەپاتيتتەر, 2,3 مىڭ ادامدا مەرەز انىقتالدى. 18 جاسقا دەيٸنگٸلەر انىقتالماعان جوعارعى تىنىس الۋ جولدارىنىڭ جەدەل ينفەكتسيياسىنان كٶپ زارداپ شەكتٸ - 627,5 مىڭ بالا. 538 بالادان تۋبەركۋلەز انىقتالدى.
تىنىس الۋ ورگاندارىنىڭ اۋرۋلارىنان 20,8 مىڭ ادام, جۇقپالى جەنە پارازيتتٸك اۋرۋلاردان 1,4 مىڭ ادام قايتىس بولدى. تىنىس الۋ ورگاندارىنىڭ اۋرۋلارىنان قايتىس بولعان بالالار سانى بٸر جىلدا 12,9% ازايىپ, 195 بولدى. ال جۇقپالى جەنە پارازيتتٸك اۋرۋلاردان كٶز جۇمعان بالالار سانى 26,8% ازايدى - 180 بالا.
COVID-19-عا كەلەر بولساق, ٶڭٸرلەر اراسىندا ۆيرۋستى ەڭ كٶپ جۇقتىرۋ جاعدايى نۇر-سۇلتاندا تٸركەلگەن: 10 مىڭ ادامعا 1118 جاعداي. ودان كەيٸن الماتى (10 مىڭ ادامعا 824 جاعداي) جەنە قاراعاندى (10 مىڭ ادامعا 711 جاعداي) وبلىستارى تۇر.
