قازاقستاندىقتار ينتەرنەتتەن گٶرٸ تەلەارنالاردى كٶپ كٶرەدٸ.
بۇل جايىندا ەلوردادا ٶتٸپ جاتقان Astana Media Week اياسىندا «Vi قازاقستان» كومپانيياسىنىڭ باس ديرەكتورى يلمۋراد دجۋماەۆ ايتتى, دەپ حابارلايدى قازاقپارات.
«تەلەۆيدەنيە قازاقستاندىق جارناما نارىعىنىڭ ماڭىزدى سەگمەنتٸ ەكەندٸگٸ سٶزسٸز. ەگەر جالپى كٶلەمدە الىپ قارايتىن بولساق, تەلەۆيدەنيە - 55, ال ينتەرنتە 16 پايىزدى الىپ وتىر. تەك ينتەرنەت جايىندا كٶبٸرەك ايتىلىپ جاتادى. دەگەنمەن, تاياۋ ارالىقتا تەلەۆيدەنيە قامتۋى ٷلكەن مەديا بولىپ قالا بەرەدٸ. ياعني, ەگەر سٸز تاۋارىڭىزدى نە قىزمەتٸڭٸزدٸ كٶپ ادامعا جەتكٸزگٸڭٸز كەلسە, وندا تەلەارنالارعا بالاما جوق», - دەدٸ ول.
وسى رەتتە ول دەلەل رەتٸندە مەديا رەسۋرستاردى تۇتىنۋ ستاتيستيكاسىن العا تارتتى.
«ەگەر ينتەرنەتتٸ مەديا تۇتىنۋ جايىندا سٶز قوزعار بولساق, قازاقستاندىقتار مەسسەندجەرلەردٸ قوسا العاندا ورتاشا ەسەپپەن 255 مينۋت جۇمسايدى. ەزٸرشە, تەلەديداردى كٶپ كٶرەدٸ. شامامەن كٷنٸنە 5 ساعات نەمەسە 272 مينۋت كٶرەدٸ. الايدا بۇل الشاقتىق قىسقارا تٷسۋدە», - دەدٸ يلمۋراد دجۋماەۆ.
ايتا كەتەيٸك, Astana Media Week شاراسىنىڭ ەكٸنشٸ كٷنٸندە قازاقستانداعى العاشقى - «ADTribune - ازييانىڭ جارنامالىق داۋىسى» اتتى جارنامالىق كونفەرەنتسييا ٶتٸپ جاتىر. وندا سالاداعى مەسەلەلەر, قيىندىقتار مەن ترەندتەر تۋرالى اشىق ايتىلۋدا. سونىمەن قاتار وسى كٷنٸ «TRENDZONE» كوممۋنيكاتيۆتٸك الاڭىندا ٸسكەرلٸك كوممۋنيكاتسييالار بويىنشا اشىق سەمينار ۇيىمداستىرىلعان.
