قازاقستاندىقتار بٸر ايدا 94 كگ التىن ساتىپ العان

سەۋٸر ايىندا ەل تۇرعىندارى 2800-گە جۋىق التىن قۇيما ساتىپ الدى, دەپ حابارلايدى "ۇلت اقپارات" ۇلتتىق بانككە سٸلتەمە جاساپ.

2021 جىلدىڭ سەۋٸر ايىندا قازاقستاندىقتار ەكٸنشٸ دەڭگەيلٸ بانكتەر مەن جەكەلەگەن بانكتٸك ەمەس ايىرباستاۋ پۋنكتتەرٸنەن جالپى سالماعى 94,5 كگ 2 767 قۇيما ساتىپ الدى. 

ۇلتتىق بانك حالىققا تازارتىلعان التىن قۇيمالاردى ساتۋ جەنە ساتىپ الۋ باعدارلاماسىن 2017 جىلى قولعا العان بولاتىن. باعدارلاما جٷزەگە اسىرىلا باستاعاننان بەرٸ جالپى سالماعى 1,88 توننا 52 967 التىن قۇيما ساتىلدى.

التىن قۇيمالاردىڭ بەس تٷرٸ ۇسىنىلعان: 5, 10, 20, 50 جەنە 100 گ. تازارتىلعان التىن قۇيمالاردى ساتۋ جەنە ساتىپ الۋ باعدارلاماسى ٸسكە اسىرىلعالى حالىق اراسىندا ەڭ كٶپ سۇرانىسقا يە بولعانى – 10 گرامدىق قۇيما. جالپى ساتىلىمداعى ونىڭ ٷلەسٸ 31% – 16 074 دانا. ودان كەيٸن 100 گرامدىق قۇيما – 11 669 دانا (22%) جەنە 20 گرامدىق قۇيما – 11 275 دانا (21%), 5 گرامدىق قۇيما – 8 072 دانا (15%), 50 گرامدىق قۇيما – 5 877 دانا (11%). نەگٸزٸنەن ٶلشەنگەن قۇيمالار الماتى, نۇر-سۇلتان جەنە اتىراۋ قالالارىندا سۇرانىسقا يە.

التىن قۇيمالار سەنٸمدٸ ينۆەستيتسييالىق قۇرال بولا الادى. بانكتەر مەن بانكتٸك ەمەس ايىرباستاۋ پۋنكتتەرٸنٸڭ كليەنتكە اقشاسىن تٶلەپ, قۇيمالاردى «كٷنبە-كٷن» ساتىپ الا الاتىن مٷمكٸندٸگٸ – التىن قۇيمالار نارىعىنىڭ ٶتٸمدٸلٸگٸن قامتاماسىز ەتۋدە نەگٸزگٸ فاكتورعا اينالىپ وتىر. باعدارلاما ٸسكە قوسىلعان ۋاقىتتان بەرٸ جالپى سالماعى 4,2 كگ ٶلشەنگەن تەك قانا 147 قۇيما ساتىپ الۋعا قابىلداندى. بۇل, ەرينە, التىن قۇيمالاردىڭ ۇزاق مەرزٸمدٸ ينۆەستيتسييالاۋ مەن جيناقتاۋ قۇرالى بولىپ تابىلاتىنىنا بايلانىستى.

ەر قۇيما قورعانىس ەلەمەنتتەرٸمەن (قۇيمالاردىڭ اينا بەتٸ, ميكروتەكست جەنە رەلەفتٸڭ شەتٸ), قۇيمالاردى مەحانيكالىق زاقىمدانۋدان قورعايتىن جەنە پاكەتتٸڭ اشىلعان-اشىلماعانىن تەكسەرۋدٸ جەڭٸلدەتەتٸن ارنايى قاپتامادا شىعارىلادى. قورعانىس قاپتاماسى, سونىمەن قاتار, قۇيمانىڭ ساپا سەرتيفيكاتى بولا الادى. سوندىقتان قۇيمانى ساقتاعاندا مۇقييات بولىپ, ورامانى اشپاعان جٶن.

قازٸرگٸ ۋاقىتتا التىن قۇيمالاردى Halyk Bank-تە, ەۋرازييالىق بانكتە, Jýsan Bank-تە, بانك تسەنتركرەديتتە, سونداي-اق بانكتٸك ەمەس ايىرباستاۋ پۋنكتتەرٸندە ساتىپ الۋعا جەنە ساتۋعا بولادى.