ۇلتتىق ستاتيستيكا بيۋروسى قازاقستاندىقتاردىڭ 2023 جىلدىڭ سوڭعى توقسانىنداعى شىعىنى تۋرالى دەرەك جارييالادى. ەل تۇرعىندارى نە نەرسەگە اقشاسىن كٶبٸرەك جۇمساعانىن انىقتاپ كٶردٸ, دەپ حابارلايدى "ۇلت اقپارات".
ۇلتتىق ستاتيستيكا بيۋروسىنىڭ اقپاراتى بويىنشا, 2023 جىلدىڭ IV توقسانىندا بٸر قازاقستاندىقتىڭ شىعىنى 277 202 تەڭگە نەمەسە ايىنا 92,4 مىڭ تەڭگە بولعان. بۇل ٶتكەن جىلعى وسى كەزەڭمەن سالىستىرعاندا 12,3% جوعارى.
قازاقستاندىقتار اقشاسىنىڭ كٶپ بٶلٸگٸن ازىق-تٷلٸككە جۇمسايتىن بولىپ شىقتى – توقسانىنا 142 169 تەڭگە. ازىق-تٷلٸككە جاتپايتىن تاۋارلارعا 66 268 تەڭگە, اقىلى قىزمەتتەرگە 48 250 تەڭگە جاراتقان.
ازىق-تٷلٸك پەن الكوگولسٸز سۋسىندارعا بٸر قازاقستاندىق 129 953 تەڭگە تٶلەيدٸ ەكەن. ال سىرتتان تاماقتانۋعا 6070 تەڭگە, الكوگولدٸك سۋسىندارعا 1766 تەڭگە, تەمەكٸ ٶنٸمدەرٸنە 3970 تەڭگە جۇمسايدى.
ورتاشا العاندا ەلٸمٸزدٸڭ بٸر تۇرعىنى توقسانىنا 14 819 تەڭگەنٸ نەسيە مەن قارىزدى ٶتەۋگە, 5362 تەڭگەنٸ اليمەنتكە, 334 تەڭگەنٸ سالىق پەن باسقا دا تٶلەمدەرگە جاراتادى.
شىعىنى ەڭ كٶپ ەلوردا تۇرعىندارى بولىپ شىقتى. بٸر استانالىق توقسان ٸشٸندە 366 345 تەڭگە جۇمساعان, ياعني بۇل ايىنا – 122 115 تەڭگە. ودان كەيٸنگٸ ورىندا الماتىلىقتار مەن قاراعاندى وبلىسىنىڭ تۇرعىندارى تۇر.
ايتا كەتەيٸك, قازاقستانداعى جىلجىمايتىن مٷلٸك نارىعىندا ساتىپ الۋشىلار تاراپىنان سۇرانىس ازايعان. اقپان ايىنىڭ قورىتىندىسى بويىنشا 30 مىڭنان استام عانا كەلٸسٸم جاسالعان. بۇل كٶرسەتكٸش قاڭتار ايىمەن سالىستىرعاندا 4% از. باسپاناعا سۇرانىستىڭ تٶمەندەگەنٸن ەسٸرەسە الماتىدا بايقاۋعا بولادى.
