ەلٸمٸزدە بەدەۋلٸگٸ بار جۇپتاردىڭ باسىم كٶپشٸلٸگٸ دونور رەتٸندە تۋىستارىنىڭ جىنىستىق جاسۋشاسىن پايدالانۋدى قالايدى. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى "ۇلت اقپارات".
«1995 جىلدان باستاپ قازاقستاندا 85 000-عا جۋىق ەرلٸ-زايىپتى قوسالقى رەپرودۋكتيۆتٸك تەحنولوگييالار ەدٸستەرٸمەن ەمدەلدٸ. قازٸرگٸ ۋاقىتتا ەلدە 27 ەكستراكورپورالدىق ۇرىقتاندىرۋ (بۇدان ەرٸ - ەكۇ) ورتالىعى جۇمىس ٸستەيدٸ. وسى ەكۇ باعدارلاماسىن ورىندايتىن مەديتسينا ورتالىقتارىندا جەكە دونورلار بازاسى بار. بٸر مەديتسينا ورتالىعىنداعى دونورلار بازاسىنا تٸركەلگەن جىنىستىق جاسۋشا دونورى, ەكٸنشٸ مەديتسينا ورتالىعىنىڭ بازاسىنا تٸركەلۋگە قۇقىعى جوق. قازٸرگٸ تاڭدا ورتالىقتاندىرىلعان دونورلار بازاسىن قۇرۋ تۋرالى مەسەلە ارنايى مامانداردىڭ اراسىندا تالقىلانىپ, وسى باعىتتا قاجەتتٸ ٸس-شارالار جٷرگٸزۋ قولعا الىنۋدا», - دەلٸنگەن ٷكٸمەت باسشىسىنىڭ ورىنباسارىنىڭ جاۋابىندا.
ونىڭ جاۋابىندا, «جىنىستىق جاسۋشالاردىڭ, رەپرودۋكتيۆتٸك اعزالار تٸندەرٸنٸڭ دونورلىعىن جٷرگٸزۋ قاعيدالارى مەن شارتتارىن بەكٸتۋ تۋرالى» دەنساۋلىق ساقتاۋ مينيسترٸ بۇيرىعىنىڭ 1-تاراۋىندا بٸر دونوردان 10 جىنىستىق جاسۋشا الىنعاننان كەيٸن ازامات دونورلار بازاسىنان شىعارىلاتىندىعى ايتىلعان.
«25 جىلدىڭ ٸشٸندە ەكۇ باعدارلاماسىمەن 24 000 نەرەستە, سونداي-اق 100 جىنىستىق جاسۋشا دونورىنان 120 نەرەستە دٷنيەگە كەلگەن. ول ەكۇ-مەن دٷنيەگە كەلگەن جالپى بالا سانىنىڭ 0,5 پايىزىن قۇرايدى. سونىمەن قاتار, ەلٸمٸزدە بەدەۋلٸگٸ بار جۇپتاردىڭ باسىم كٶپشٸلٸگٸ دونورلىق ەكۇ باعدارلاماسىن جٷرگٸزۋ ٷشٸن دونور رەتٸندە تۋىستارىنىڭ جىنىستىق جاسۋشاسىن پايدالانۋدى قالايدى», - دەگەن ەرالى توعجانوۆ سۇراققا جاۋاپ بەرٸپ.
